Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

कृषि उत्पादन पहिलो प्राथमिकता, २०% रकम विनियोजन गरिने- रेनु दाहाल

मेघौली । भरतपुर महानगरपालिकाकी मेयर रेणु दाहालले कृषि उत्पादन बढाउनु नै महानगरको पहिलो प्राथमिकता रहेको बताएकी छन् । उनले महानगरले २० प्रतिशत रकम कृषि क्षेत्रमा विनियोजन गरेको बताइन् ।

भरतपुर महानगरपालिका वडा नं.१८, शशिनगरस्थित सदाबहार ताजा तरकारी संस्था लि। को नवनिर्मित भवन तथा तरकारी संकलन केन्द्रको मंगलबार उद्घाटन गर्दै मेयर दाहालले भरतपुर महानगरपालिकाले २० प्रतिशत रकम कृषि क्षेत्रमा विनियोजन गरेको जानकारी दिइन् ।

मेयर दाहालले फलफूल, तरकारी, माछा, च्याउ, केराजस्ता कृषि उत्पादनको बिकासका लागि महानगरभित्र सम्भाव्य पकेट क्षेत्र पहिचान गरी घोषणा गरिने बताउँदै एकीकृत नमुना कृषि फर्म निर्माण गरी कृषि प्रविधिको प्रसार गरिने र दुग्ध उत्पादनमा हाल प्रदान गरिँदै आएको प्रतिलिटर २५ पैसाको अनुदानलाई चार गुणा वृद्धि गरी एक रूपैयाँ प्रतिलिटर कायम गरिएको बताइन् ।

कमेन्ट गर्नुहोस्

%d bloggers like this: