भीम रावलले भने, ‘भिडियो कन्फ्रेन्सबाटै मन्त्रिपरिषद बैठक गर्नु गलत’

कैलालीः नेपाल कम्युनिस्ट पार्टी (नेकपा) का नेता भीम रावलले प्रधानमन्त्रीले भिडियो कन्फ्रेन्सबाटै मन्त्रिपरिषद् बैठक गर्नु गलत भएको बताएका छन् ।

पूर्व उपप्रधानमन्त्रीसमेत रहेका रावलले उपप्रधान तथा रक्षामन्त्री ईश्वर पाखरेललाई कार्यवाहक प्रधानमन्त्रीको जिम्मेवारी दिएर गएका प्रधानमन्त्रीले विदेशबाट आफैं मन्त्रिपरिषद् बैठक बोलाउनु नीतिसंगत नरहेको बताएका हुन् ।

याे पनि पढ्नुस  ‘भीम रावलका सल्लाहकारबाट प्रदेश नै आतंकित’ भन्ने समाचारप्रति आपत्ति

साथै उनले भिडियो कन्फ्रेन्सबाट मन्त्रिपरिषद् बैठक बोलाउनु सुरक्षा र गोपनियताका कारण उपयुक्त नभएको पनि बताए ।

बुधबार धनगढीमा सञ्चारकर्मीहरुसँग कुरा गर्दै नेकपा नेता रावलले आधुनिक युगमा गयौं भन्दैमा अरु विषयको ख्याल नै नगरिनु राम्रो नभएको बताए ।

प्रधानमन्त्री केपी शर्मा ओली उपचारका क्रममा सिंगापुरमा छन् । उनले सोमबार भिडियो कन्फ्रेन्सबाट मन्त्रिपरिषद बैठक गरेका थिए ।

कमेन्ट गर्नुहोस्