कतारमा नेपाली कामदार नगद पुरस्कारद्वारा सम्मानित

दोहाः अन्तर्राष्ट्रिय मान्यता प्राप्त कतारको नासर अल अलि इन्टरप्राइसेस कम्पनीमा कार्यरत २ नेपालीलाई नगदसहित सम्मान गरिएको छ।

दश बर्षदेखि उक्त कम्पनीमा कार्यरत दाङका पुस्वा चौधरी र ताप्लेजुङका कृष्णबहादुर गुरुङलाई जनही १५ हजार रियाल नेपाली झन्डै ४ लाख ५० हजार रुपैयाँका साथ सम्मान गरिएको हो ।

इमान्दारीपूर्वक कम्पनीमा काम गरेवापत् चौधरी र गुरुङले इद अलअधाको उपलक्ष्यमा नासर अल अलि इन्टरप्राइसेस कम्पनीका मालिक नासर अल अलीको हातबाट उक्त सम्मान प्राप्त गरेका हुन् । सन् २००९ मा हेल्परका रुपमा सोही कम्पनीमा आएका दाङका चौधरी कामप्रतिको इमान्दारिता र लगावको कारण एक सक्षम ट्रेड वर्करसमेत भइसकेका छन् ।

याे पनि पढ्नुस  नेपाली दूतावास कतारद्वारा दसैं विशेष कार्यक्रमको आयोजना

दुई छोरा र एक छोरीका पिता चौधरीले नासर अल अलि इन्टरप्राइसेस कम्पनीमा काम गरेर नै घर जग्गा जोड्न सफल भएको बताउछन् । कम्पनीमा आफु आउन पाउनु नै आफनो अहोभाग्य सम्झेका चौधरी कम्पनीका मालिक नासर अल अली आफनो अविभावक जस्तो भएकोले आफू पराई भूमिमा भएजस्तो पनि नलागेको बताए । उनले आफूले प्राप्त गरेको इनाम रकम घर खर्च लगायत छोराहरुको पढाईमा खर्च गर्ने बताए ।

ताप्लेजुङ निवासी कृष्णबहादुर गुरुङ पनि हेल्परमै सोही कम्पनीमा आएका भए पनि अहिले उनी सबै काममा सक सक्षम भइसकेका छन् । अल नासर इन्टरप्राइसेस कम्पनीमै सोमबहादुरले पनि १० वर्ष विताई सकेका छन् । सोही कम्पनीमा काम गरेर जोहो गरेको रकमले आफना एक छोरा र एक छोरीलाई राम्रो शिक्षादिक्षा प्रदान गरेको बताउँछन् ।

याे पनि पढ्नुस  स्व. पराजुलीको १३ औं दिनको पुन्य तिथिमा श्रद्धाञ्जली सभा

कम्पनीको मालिक नासर अल अली अत्यन्त सहयोगी र सहृदयी भएको कारणले नै आफनो आर्थिक भविष्यमा यसरी सुधार हुन सकेको कृष्णबहादुरले बताउदै नासर अल अलि इन्टरप्राइसेस र कम्पनी मालिकप्रति आभार व्यक्त गरे । आफनो लागि यो रकम ठुलो सहयोग रकम भएको स्विकार्दै आफनो छोराछोरीको पढाइमा समेत खर्च गर्ने बताए । नासर अल अलि इन्टरप्राइसेस कम्पनीमा काम गरिरहँदा आफूले आर्थिक प्रगति गर्न र मनग्य सिप आर्जन लगायतको दुई महत्वपूर्ण उपलब्धि हासिल गरेको बताए ।

याे पनि पढ्नुस  पर्वत समाज कतारको समिक्षा बैठक सम्पन्न

कम्पनीका मालिकले समयसमयमा उत्कृष्ट कामदारहरुलाई सुनको सिक्का समेत इनामको रुपमा प्रदान गर्दै आइरहेका छन् भने १० वर्षभन्दा बढी काम गरिसकेका नेपाली, भारतीय, वंगलादेशी कामदारहरु पुरस्कार र सम्मानबाट लाभान्वित भइसकेका छन् ।

कम्पनी मालिक आसर अल अलीले आफनो कम्पनीमा काम गर्ने सबै कामदारहरुको छोराछोरीहरुको पढाई खर्च समेत दिने गरेकाछन् ।

कमेन्ट गर्नुहोस्