झरनाबाट खस्दा सैनिक श्रेष्ठको मृत्यु

लमजुङ । बेंसीसहर नगरपालिका–१, गाइखुरेस्थित छहराबाट खसेर लमजुङको उदिपुरस्थित श्रीजंग गणमा कार्यरत एक सैनिकको मृत्यु भएको छ ।

विद्यालयमा तालिमरत राष्ट्रिय सेवा दलका विद्यार्थीका लागि गणले आयोजना गर्ने साहसिक क्यानोयिङ तालिम गर्ने तयारी अनुरुप उक्त छहरामा सरसफाई गरेको थियो ।

यही भदौ १५, १६ र १७ गते आयोजना हुन लागेको उक्त तालिममा लमजुङ, गोरखा र तनहुँका करिब २ सय ५० बढी विद्यार्थी सहभागि हुँदै थिए ।

याे पनि पढ्नुस  टिपरको ठक्करबाट ४ वर्षीया बालिकाको मृत्यु

उक्त तालिमका लागि छहराको सरसफाई गर्ने क्रममा करिब १ सय मिटर माथिको उचाईबाट खस्दा गणमा कार्यरत लेसनायक ३१ वर्षीय विजय श्रेष्ठको बिहीबार बिहान मृत्यु भएको हो ।

गणका गणपति प्रमुख सेनानी शिखर जबराका अनुसार छहराको सरसफाई गर्ने र सामान्य बाटो बनाउने क्रममा श्रेष्ठ खसेका थिए । माथिबाट आएको ढुंगा छल्ने क्रममा बिहान ९ बजेतिर छहराबाट खसेको र छहरा झर्ने ठाउँमा रहेको पानी पोखरीमा डुबेका कारण उनको मृत्यु भएको हुनसक्ने उनले बताए ।

याे पनि पढ्नुस  क्वारेन्टाइन लैजाँदै गर्दा बाटैमा मृत्यु भएका वृद्धको रिपोर्ट आयो

छहराबाट खसेपछि बेंसीसहरस्थित लमजुङ जिल्ला सामुदायिक अस्पताल ल्याएका उनलाई डाक्टरले उपचार प्रयास गरेकोमा सफल हुन नसकेको डीएसपी रबिन्द्रमान गुरुङले बताए ।

उनका अनुसार अस्पताल ल्याएपछि डाक्टरले उनलाई मृत घोषणा गरेका थिए । शवको पोष्टमार्टमको लागि शिक्षण अस्पताल लगिएको डीएसपी गुरुङले बताए ।

कमेन्ट गर्नुहोस्