कैलालीमा ४ थान पेस्तोल र सुनसहित तीन जना पक्राउ

कैलाली । प्रहरीको सिआईबी टोलीको धनगढी उपमहानगरपालिका–३ चटकपुरबाट ४ थान पेस्तोलसहित तीन जनालाई पक्राउ गरेको छ । उनीहरुको साथबाट सुनका गहनासमेत बरामद गरिएका छन् । बरामद गरिएको सुनको परिणाम भने खुल्न सकेको छैन ।

प्रहरीको केन्द्रीय अनुसन्धान व्युरोसहित जिल्ला प्रहरी कार्यालयको टोलीले बुधवार साँझ चटकपुरमा एक घरबाट चार थान पेस्तोल, सुनका गहना सहित तीन जनालाई पक्राउ गरेको हो ।

याे पनि पढ्नुस  प्रहरीविरुद्ध विप्लवको पक्राउ पुर्जी, नटेरे ‘इन्काउन्टर’ को चेतावनी (पत्रसहित)

पक्राउ पर्नेमा धनगढी वडा नम्बर ६ जाईका सञ्जय राणाका नामले चिनिने सञ्जय रानासहित तीन जना भएको स्रोतले बताएको छ । प्रहरी स्रोतले राणा पक्राउ गरेको बताएको छ । उनीसँग राष्ट्र बैंकका नक्कली कागजात, किर्ते तमसुक, सुनका गहना पनि बरामद भएको प्रहरीले बताएको छ ।

याे पनि पढ्नुस  खोलामा राखिएको स्काभेटरमा आगजनी

मटियारी घर भए पनि उनको समूहले चटकपुरमा अर्काको घरमा भाडा लिएर अबैध गतिबिधि सञ्चालन गर्दै आएको जानकारी पाएपछि उनीहरुलाई पक्राउ गर्न केन्द्रीय अनुसन्धान व्युरोको टोली धनगढी आईपुगेको स्रोतले बतायो ।

लामो समयको प्रयासपछि प्रहरीले उनलाई पक्राउ गरेको हो । प्रहरी अधिकारीस्।ग उठबस र राम्रो सम्बन्ध भएकै कारण उनी जोगिदै आएका थिए । जिल्ला प्रहरी कार्यालय कैलालीका प्रमुख प्रहरी उपरीक्षक सुदीप गिरीले पेस्तोल सहित तीन जना पक्राउ गरेको स्वीकार गरे ।

याे पनि पढ्नुस  भूप सैनिक संगठनका केन्द्रीय सदस्य धामीको निधन

घट्नाको बिस्तृत जानकारी पत्रकार सम्मेलन मार्फत बिहीवार बाहिर ल्याउने एसपी गिरीले बताए । सिआईवीको टोलीले ढोका फोरेर पेस्तोल, सुन बरामद गरेको स्रोतले बतायो ।

कमेन्ट गर्नुहोस्