यूएइको दोस्रो विकेट पतन, पहिलो ओभरमै सागरले लिए विकेट

काठमाडौंः  श्रीलंकामा भइरहेको एसीसी यू–१९ एसिया कप क्रिकेटको आफ्नो अन्तिम खेलमा नेपालले दिएको २८६ रनको लक्ष्य पछ्याउने यूएईले दोस्रो विकेट गुमाएको छ ।

यूएईले दोस्रो विकेटकारुपमा १२.६ ओभरमा सायद हाइदेअर १५ रनमा गुमाएको हो । उनलाई सागर ढकालले आफ्नो पहिलो ओभरमै आउट गर्न सफल भए ।

यूएईले पहिलो विकेटकारुपमा ८.५ ओभरमा निल लोडलाई ५ रनमा गुमाउन पुग्यो। नेपाललाई पहिलो सफला आफ्नो पाँचौ ओभरमा कमलसिंह ऐरीले दिलाएका हुन् ।

यो समाचार तयार पार्दासम्म यूएईले १४ ओभरमा २ विकेट गुमाएर ५३ रन बनाएको छ ।

यसअघि टस हारेर ब्याटिङको मौका पाएको नेपालले निर्धारित ५० ओभरमा ९ विकेट गुमाएर २८५ रन बनायो ।

नेपालका लागि कप्तान रोहितकुमार पौडेलले ६७, सन्दीप जोराले ४८, आशिफ शेखले ४६, राशिद खान ४४, कमलसिंह ऐरीले ४१, कुशल मल्लले २२ रन बनाए ।

बलिङमा यूएईका लागि सञ्चित शर्मा, आकाश ताहिरले ३-३ र कात्तिक पलानियाप्यनले २ र ऋषभ मुखर्जीले एक विकेट लिए ।

समूह ‘बी’ मा रहेका नेपाल र यूएई दुबै अंकविहीन छन्। यस अघि पहिलो खेलमा नेपाल श्रीलंकासँग पाँच विकेटले हार ब्यहोरेको थियो भने बंगलादेशसँग ६ विकेटले पराजित भएको छ । आज नेपाली टिमको प्लेइङ ११ मा को–कोले पाए मौका?

नेपालको प्लेइङ ११ः रोहित कुमार पौडेल, भिम सार्की, कुशल मल्ल, सागर ढकाल, आशिफ शेख, कमलसिंह ऐरी, रित गौतम, पवन सरार्फ, राशीद खान, सन्दीप जोरा र सूर्य तामाङ

कमेन्ट गर्नुहोस्