यूएइलाई लगातार झड्का, सागर एक्लैले लिए ३ विकेट

काठमाडौंः  श्रीलंकामा भइरहेको एसीसी यू–१९ एसिया कप क्रिकेटको आफ्नो अन्तिम खेलमा नेपालले दिएको २८६ रनको लक्ष्य पछ्याउने यूएइले चौथो विकेट गुमाएको छ ।

यूएईले चौथो विकेटकारुपमा १५.५ ओभरमा १२ रन बनाएका अन्स टन्डनलाई गुमाएको हो । उनलाई पनि सागर ढकालले नै एल्बीडब्लू आउट गर्न सफल भए ।

योसँगै सागरलाई तेस्रो सफलता मिलेको छ । सागरले ४ ओभर बलिङ गर्दा ४ रन दिएर महत्वपूर्ण ३ विकेट लिइसकेका छन् । उनले २ ओभर मेडन दिएका हुन् ।

यो समाचार तयार पार्दासम्म यूएईले २३ ओभरमा ४ विकेट गुमाएर ९० रन बनाएको छ ।

यसअघि टस हारेर ब्याटिङको मौका पाएको नेपालले निर्धारित ५० ओभरमा ९ विकेट गुमाएर २८५ रन बनायो ।

नेपालका लागि कप्तान रोहितकुमार पौडेलले ६७, सन्दीप जोराले ४८, आशिफ शेखले ४६, राशिद खान ४४, कमलसिंह ऐरीले ४१, कुशल मल्लले २२ रन बनाए ।

बलिङमा यूएईका लागि सञ्चित शर्मा, आकाश ताहिरले ३–३ र कात्तिक पलानियाप्यनले २ र ऋषभ मुखर्जीले एक विकेट लिए ।

समूह ‘बी’ मा रहेका नेपाल र यूएई दुबै अंकविहीन छन्। यस अघि पहिलो खेलमा नेपाल श्रीलंकासँग पाँच विकेटले हार ब्यहोरेको थियो भने बंगलादेशसँग ६ विकेटले पराजित भएको छ । आज नेपाली टिमको प्लेइङ ११ मा को–कोले पाए मौका?

नेपालको प्लेइङ ११ः रोहित कुमार पौडेल, भिम सार्की, कुशल मल्ल, सागर ढकाल, आशिफ शेख, कमलसिंह ऐरी, रित गौतम, पवन सरार्फ, राशीद खान, सन्दीप जोरा र सूर्य तामाङ

कमेन्ट गर्नुहोस्