परपुरुषसँगको सम्बन्ध लुकाउन श्रीमतीले गरिन् श्रीमानको हत्या, शव सेफ्टी ट्यांकीमा फेला

नवलपरासीः परपुरुषसँगको नाजायज सम्बन्ध लुकाउन पश्चिम नवलपरासीमा आफ्नै श्रीमतीले श्रीमानको हत्या गरेकी छन् ।

जिल्ला प्रहरी कार्यालय पश्चिम नवलपरासीका सुचना अधिकारी एवम् प्रहरी नायव उपरीक्षक विरेन्द्र थापाअनुसार सदरमुकाम परासीको रामग्राम नगरपालिका–३ घोडपाली आदर्श टोलमा बस्ने ४१ बर्षका तारा भन्ने रविन्द्रप्रसाद पाण्डेको उनकै श्रीमतीले हत्या गरेकी हुन् ।

याे पनि पढ्नुस  रक्सीमा चख्ना नभएको भन्दै साथीको हत्या गरेपछि...

पाण्डेकी श्रीमती सरस्वती पोखरेल पाण्डेले आफ्नै श्रीमान रविन्द्रको हत्या गरेकी प्रहरीले जनाएको छ । श्रीमती सरस्वती पाण्डेले अनैतिक सम्बन्ध रहेको पुरुषसँग मिलेर श्रीमानको हत्या गरेको प्रारम्भिक अनुसन्धानबाट खुलेको प्रहरी नायव उपरीक्षक थापाले बताए ।

गत भदौ १८ गतेदेखि सम्पर्क विहिन रहेका पाण्डेको शव प्रहरीले खोजतलास गर्ने क्रममा शुक्रबार गाउँनजिकै रहेको हरिसुशील आधारभूत विद्यालयको ट्वाइलेटको सेप्टी टंकीमा सडेगलेको अवस्थामा फेला पारेको थियो ।

याे पनि पढ्नुस  टाउको काटिएको अवस्थामा बारीमा पुरुषको शव फेला

पाण्डेकी श्रीमतीलाई प्रहरीले नियन्त्रणमा लिएर अनुसन्धान गरिरहेको प्रहरीले जनाएको छ । प्रहरीले पाण्डेको हत्यामा सम्लग्न अन्यको खोजी कार्य जारी राखेको जनाएको छ ।

कमेन्ट गर्नुहोस्