टि–२० सिरिजः भारतविरुद्ध कप्तान क्विन्टनको शानदार अर्धशतक

काठमाडौंः भारत विरुद्धको टि–२० क्रिकेट सिरिजको अन्तिम खेलमा पनि दक्षिण अफ्रिकाका कप्तान क्विन्टन डिककले शानदार अर्धशतक बनाएका छन् ।

उनले ३ छक्का र ४ चौकाको मद्दतमा ३८ बलमा अर्धशतक पूरा गरेका हुन् । जारी सिरिजमा क्विन्टनको यो लगातार अर्धशतक हो ।

अघिल्लो खेलमा उनले ३७ बलमा ५२ रन बनाएका थिए । यो समाचार तयार पार्दासम्म दक्षिण अफ्रिकाले ११ ओभरमा १ विकेट गुमाएर ८६ रन बनाएको छ ।

याे पनि पढ्नुस  भारतलाई लगातार झड्का, कप्तान कोहली रबाडाको शिकार

यसअघि टस जितेर ब्याटिङ रोजेको भारतले निर्धारित २० ओभरमा ९ विकेट गुमाएर १३४ रन बनायो ।

उसका लागि शिखर धवनले ३६, ऋषभ पन्त, रविन्द्र जडेजाले १९–१९, हार्दिक पाण्ड्याले २४, विराट कोहली, रोहित शर्माले ९–९, श्रेयस अय्यरले ५, वासिङटन सुन्दर र कुणाल पाण्ड्याले ४–४ रन बनाए ।

बलिङमा दक्षिण अफ्रिकाका कागिसो रबाडाले ३, ब्यूरन हेन्ड्रिक्स, बिजोर्न फोर्टिनले २–२ र तरबिज शम्मीले एक विकेट लिए । ३ खेलको सिरिजमा भारत १–० ले अगाडि छ ।

याे पनि पढ्नुस  भारतको खराब प्रदर्शन, १०० रन नबनाउँदै गुमायो ६ विकेट

एक खेल वर्षाका कारण रद्द भएको थियो । भारतले आज पनि अघिल्लो खेलमै खेलाएको प्लेइङ ११ लाई उतारेको छ । दक्षिण अफ्रिकाले भने एक खेलाडी पविर्तन गरेको छ । हेर्नुस् दुवै टिमको प्लेइङ ११ः

भारतीय टिमको प्लेइङ–११ः रोहित शर्मा, शिखर धवन, विराट कोहली (कप्तान), ऋषभ पन्त, श्रेयस अय्यर, हार्दिक पाण्ड्या, कुणाल पाण्ड्या, वाशिंगङन सुन्दर, रवीन्द्र जडेजा, दीपक चहर र नवदीप सैनी।

याे पनि पढ्नुस  टि–२० सिरिजः भारतद्वारा दक्षिण अफ्रिकालाई १३५ रनको लक्ष्य

साउथ अफ्रीका टिमको प्लेइङ–११ः क्विंटन डिकक (कप्तान), रीजा हेड्रिक्स, टेम्बा बवूमा, भान डुर ड्यसन, डेविड मिलर, ड्वेन प्रिटोरियस, फेहलुक्वायो, बिजोर्न फोर्टिन, ब्यूरन हेन्ड्रिक्स, तरबिज शम्मी र कागिसो रबाडा ।

कमेन्ट गर्नुहोस्