महोत्तरीमा भूत मेला सुरु

महोत्तरीः महोत्तरीको औरही नगरपालिका–७ स्थित सोनामाई मन्दिरमा लाग्ने भूत मेला आजबाट सुरु भएको छ ।

हरेक वर्ष बडादशैँको सप्तमीदेखि सोनामाईमा लाग्ने भूत मेला आजबाट शुरु भएको हो ।

औरही नगरपालिका–७ मा अवस्थित सोनामाई मन्दिर परापूर्व कालदेखि नै भूतमेलाको लागि प्रख्यात छ ।

याे पनि पढ्नुस  श्रीमतीले नै सुपारी दिएर श्रीमान्‌को हत्या

बडादशैंको सप्तमीदेखि बिजयादशमीको दिनसम्म चल्ने यस भूतमेलामा हजारौं दर्शनार्थीहरुको भिड लाग्ने गर्दछ ।

भूत प्रेत, बोक्सा बोक्सी र दुष्ट आत्माले सताइएका हजारौ पीडितहरु प्रत्येक वर्ष यस मेलामा आउने गर्दछन् भने सोनामाईको असिम कृपाले यहाँबाट निको भएर जाने गरेको जन विश्वास रहेको छ ।

याे पनि पढ्नुस  श्रीमानलाई छाडेर प्रेमीसँग भाग्दा भारतको कोठीमा

सप्तमीदेखि बिजयादशमीसम्म चल्ने यस मेलामा महोत्तरी, सर्लाही, धनुषा, सिरहा, रौतहट लगायत भारत देखि हजारौ दर्शानर्थी मन्दिर आईपुग्ने गरेको मन्दिरका पुजारी केदार झाले जानकारी दिए ।

नवदुर्गाको ९ रुप मध्ये यहाँको शक्तीपिठलाईसमेत एक मान्ने गरिएको छ ।

कमेन्ट गर्नुहोस्