टी–२० सिरिजः आयरल्याण्डविरुद्ध नेपालको १०० रन पूरा (LIVE)

काठमाडौंः ओमानमा जारी पाँच देश सम्मिलित टी–२० क्रिकेट सिरिजमा टेष्ट राष्ट्र आयरल्याण्डविरुद्ध नेपालले १०० रन पूरा गरेको छ ।

१४६ रनको लक्ष्य पछ्याइरहेको नेपालले १४.४ ओभरमा २ विकेट गुमाएर १०० रन पूरा गरेको हो ।

नेपालका ओपनर पारस खड्का २५, इशान पाण्डे २२ र दीपेन्द्रसिंह ऐरी १९ रनमा आउट भइसकेका छन् ।

अहिले क्रिजमा आरिफ शेख र विनोद भण्डारी रहेका छन् ।

यसअघि टस जितेर ब्याटिङ रोजेको आयरल्याण्डले निर्धारित २० ओभरमा ८ विकेट गुमाएर १४५ रन बनायो ।

याे पनि पढ्नुस  आयरल्याण्डविरुद्ध नेपालको उत्कृष्ट सुरुवात, पहिलो ओभरमै सन्दीपले लिए विकेट

उसका लागि पउल स्टर्लिङले ५९, एन्डी बलबर्नीले ३८, स्टुअर्ट थोम्पसनले नटआउट २१ रन बनाए । अन्य खेलाडीले भने दोहोरो अंकमा रन जोड्न सकेनन् ।

बलिङमा सन्दीप लामिछाने, अभिनाश बोहराले २–२, यस्तै करण केसी र ललित नारायण राजवंशीको नाममा एक–एक विकेट रह्यो ।

आफ्नो पहिलो खेलमा हङकङलाई र दोस्रो खेलमा नेदल्याण्ड्सलाई समान ४ विकेटले हराएको नेपालले आज आयरल्याण्डसँग खेलिरहेको हो ।

याे पनि पढ्नुस  टी–२० सिरिजः टेष्ट राष्ट्र आयरल्याण्डद्वारा नेपाललाई १४६ रनको लक्ष्य

आयरल्याण्डले प्रतियोगिताका तीनमध्ये दुई खेलमा जित हात पारेको छ ।

टेष्ट वरीयताको १२औंँ र एक दिवसीय वरीयताको ११ औंँ स्थानमा रहेको आयरल्याण्ड टी–२० को वरीयतामा भने १५औं स्थानमा छ ।

नेपाल र आयरल्याण्डले टी–२० क्रिकेटमा यसअघि एकपटक मात्र खेलेका छन् ।

सन् २०१५ मा भएको त्यो खेलमा नेपाल आयरल्याण्डसँग ८ विकेटले पराजित भएको थियो ।

आज नेपालले प्लेइङ ११ मा २ खेलाडी परिवर्तन गरेको छ । नेपालले आज इशान पाण्डे र सन्दीप जोरालाई प्लेइङ ११ मा स्थान दिएको छ । उनीहरु पवन सराफ र रोहित कुमार पौडेलको स्थानमा प्लेइङ ११ मा अटाएका हुन् ।

याे पनि पढ्नुस  नेपाललाई तेस्रो सफलता, दीपेन्द्रले दिलाए विकेट (LIVE)

नेपालको प्लेइङ ११ः पारस खड्का (कप्तान), दिपेन्द्रसिंह ऐरी, विनोद भण्डारी, आरिफ शेख, अभिनाश बोहरा, सन्दिप जोरा, करण केसी, सन्दीप लामिछाने, इशान पाण्डे, ललित राजवंशी र सोमपाल कामी ।

कमेन्ट गर्नुहोस्