टी–२० सिरिजः नेदरल्याण्ड्सविरुद्ध ओमान ७ विकेटले विजयी

काठमाडौंः पाँच देश सम्मिलित टी–२० क्रिकेट सिरिज अन्तर्गत नेदरल्याण्ड्स विरुद्धको खेलमा घरेलु टिम ओमान ७ विकेटले विजयी भएको छ ।

नेदरल्याण्ड्सले दिएको ९५ रनको समान्य लक्ष्य ओमानले १५.१ ओभरमा ३ विकेट गुमाएर पूरा गर्यो । उसका लागि अकिव लायसले ४४, खवर अलिले २०, आमिर कलीमले नटआउट १५ रन बनाए ।

बलिङमा नेदरल्याण्ड्सका पीटर सीलारले २ र पल भ्यान मेकिरेनल १ विकेट लिए ।

याे पनि पढ्नुस  वान डे सिरिजः अष्ट्रेलियाले टस जित्यो, भारतलाई बलिङको निम्तो

यसअघि, टस जितेर ब्याटिङ रोजेको नेदरल्याण्ड्सले १५.३ ओभरमा सबै विकेट गुमाएर ९४ रन मात्र बनाउन सक्यो ।

उसका लागि म्याक्स ओवाडले २४, एन्टोनियस स्टालले १९, कोलिन एकरम्यानले १५, स्कट एडवर्ड्सले १३ रन बनाए । अन्य खेलाडीले भने दोहोरो अंकमा रन जोड्न सकेनन् ।

बलिङमा ओमानका खवर अलिले ‘ह्याट्रिक विकेट’सहित ४ विकेट हात पारे । उनले ३.३ ओभरमा ४ विकेट लिएर १६ रन दिए । अलिले ९.१, ९.२ र ९.३ ओभरमा आफ्नो ‘ह्याट्रिक विकेट’ पूरा गरे ।

याे पनि पढ्नुस  सन्दीपले आज वेष्ट इन्डिजविरुद्ध विश्व ११ बाट खेल्दै

‘ह्याट्रिक विकेट’ उनले नेदरल्याण्ड्सका कोलिन एकरम्यान, एन्टोनियस स्टाल र रिलोफ भान डरलाई आउट गरेका हुन् । अलि ओमानबाट अन्तर्राष्ट्रिय क्रिकेटमा ‘ह्याट्रिक विकेट’ लिने पहिलो क्रिकेटर हुन् ।

यस्तै ओमानका कप्तान जीशान मकसूदले ३ ओभरमा ७ रन दिएर ४ विकेट लिए । अमिर कलील र मोहम्मद नदीमको नाममा एकएक विकेट रह्यो ।

याे पनि पढ्नुस  विश्वकप फाइनलः न्यूजिल्याण्डलाई पाँचौ झड्का, नीशम १९ रनमा आउट

यसअघि आजै भएको पहिलो खेलमा नेपालविरुद्ध आयरल्याण्ड १३ रनले विजयी भएको थियो ।

आयरल्याण्डले दिएको १४६ रनको लक्ष्य पछ्याएको नेपालले निर्धारित २० ओभरमा सबै विकेट गुमाएर १३२ रन मात्र बनाउन सक्यो ।

कमेन्ट गर्नुहोस्