सन्दीपआवद्ध बार्बाडोस सीपीएलको फाइनलमा

काठमाडौंः नेपाली लेग स्पिनर सन्दीप लामिछानेआवद्ध बार्बाडोस ट्राइडर्स वेष्ट इन्डिजमा जारी क्यारेबिनयन प्रिमियर लिग (सीपीएल) को फाइनलमा प्रवेश गरेको छ ।

आज ट्रिनबागो नाइट राइडर्सलाई १२ रनले हराउँदै बार्बाडोस फाइनलमा प्रवेश गरेको हो ।

शुक्रबार बिहान सन्दीपआवद्ध बार्बाडोसले दिएको १६१ रनको लक्ष्य पछ्याएको नाइट राइडर्सले १९.३ ओभरमा सबै विकेट गुमाएर १४८ रन मात्र बनाउन सक्यो ।

उसका लागि सेकगुजे प्रसानाले ५१, कप्तान किरण पोलार्डले २३, दिनेश रामदिनले २१, सुनिल नारायणले १७, काेलिन मुनरोले १६ रन बनाए ।

बलिङमा बार्बाडोसका रेमन रेफर, हेडेन वाल्स, ह्यारी गनी, एश्ले नर्सले २–२ र कप्तान जसन होल्डरले एक विकेट लिए ।

यसअघि टस हारेर ब्याटिङको मौका पाएको ट्राइडर्सले निर्धारित २० ओभरमा ६ विकेट गुमाएर १६० रन बनायो ।

उसका लागि जनसन चार्ल्सले ३५, साई होपले २३, शाकिव अल हसनले १८, एलेक्स हेल्स, जेपी डुमिनी (रिटायर्ड हर्ट) ले १०–१० रन बनाए ।

यस्तै रमेन रेफर र एश्ले नर्सले नटआउट २४–२४ रन बनाए ।

बलिङमा नाइट राइडर्सका अलि खान, क्रिस जोर्डन, खरी पिर्रेले समान २ विकेट लिए ।

बार्बाडोस र वारियर्सबीचको फाइनल खेल १३ अक्टुबर हुने छ ।

सिंगापुरमा भएको नेपालसहितको त्रिकोणात्मक सिरिजका कारण सन्दीपले भने सीपीएलको सेमिफाइनल खेल्न पाएनन् । उनले जारी सिरिजनमा ६ खेलमा ८ विकेट लिएका थिए ।

कमेन्ट गर्नुहोस्