नेपाल प्रहरीकै कारण समाजमा शान्ति कायमः प्रधानमन्त्री ओली

काठमाडौंः प्रधानमन्त्री केपी शर्मा ओलीले सुशासन कायम गर्नका लागि प्रहरीको भूमिका महत्वपूर्ण हुने बताएका छन् ।

६४ औं प्रहरी दिवसका अवसरमा प्रहरी प्रधान कार्यलयले आयोजना गरेको कार्यक्रममा बोल्दै प्रधानमन्त्री ओलीले सो कुरा बताएका हुन् ।

प्रधानमन्त्री ओलीले समाजमा प्रहरीको बहुआयामिक भूमिका हुने बताए । ‘समाजमा शान्ती कायम गर्न,सुशासन कायम गर्न,सामाजिक जनचेतना जगाउन प्रहरीको खास भूमिका हुन्छ’ प्रधानमन्त्री ओलीले भने, ‘नेपाल प्रहरी कै कारणले समाजमा शान्ती कायम भएको, अपराध घटेको छ ।’

याे पनि पढ्नुस  कालापानी क्षेत्रमै भारतीय फौजका ८ क्याम्प, नेपाल प्रहरीका चौकी भने ६ महिनामै विस्थापित

प्रधानमन्त्री ओलीले देशमा राजनीतिक संघर्षको यूग सकिएर विकास र समृद्धिको युग सुरु भएको स्मरण गर्दै यसबेला विभिन्न बहानामा समाजमा हिंसा भड्काउन खोज्नेहरुसँग सरकार मुकदर्शक नबन्ने बताए । “आर्थिक उन्नती र विकासको अभियान सुरु भएको यस समयमा गलत मनशायका साथ हिंसाको बाटो मा लागेका र जनतालाई शान्तीसँग बस्न नदिनेहरु असवैधानिक र देशद्रोही हुन्” प्रधानमन्त्री ओलीले भने “उनीहरुका अगाडी सरकार मुकदर्शक बन्दैन । कानुन बमोजिम कार्यवाही हुन्छ ।”

याे पनि पढ्नुस  अतिक्रमित भूमि फिर्ता ल्याउन नेपाल सफल हुन्छः प्रधानमन्त्री ओली

प्रधानमन्त्री ओलीले अपराधमा संलग्न जो सुकैलाई पनि कानुनको दायरामा ल्याउन प्रहरीलाई निर्देशन दिए । “गैर कानुनी काम गर्ने जुनसुकै पार्टीको र जुनसुकै पदको भए पनि अनुसन्धानको दायरामा ल्याउनुहोस” प्रधानमन्त्री ओलीले भने, “तपाईंहरुले अरु कसैले भने अनुसार होइन कानुनले भने अनुसार काम गर्नु पर्दछ ।”

याे पनि पढ्नुस  उद्योगी व्यबसायीहरुका लागि सरकार जुनसुकै सहयोग गर्न तयारः प्रधानमन्त्री

कार्यक्रममा प्रधानमन्त्री ओलीले नेपाल प्रहरीको बार्षिक प्रकाशन ‘पुलिस मिरर–२०७६’ विमोचन गरेका छन् ।

कमेन्ट गर्नुहोस्