र्‍यापर समिर लामा (भिटेन) रिहा भए

ललितपुरः भिटेनका नामले चर्चित र्‍यापर समिर लामा घिसिङ रिहा भएका छन् । ‘हामी यस्तै त हो नि ब्रो’ बोलको गीतमा अश्लील शब्दको प्रयोग गरी लागूऔषध गाँजा खान प्रोत्साहित गरेको आरोपमा पक्राउ परेका भिटेनलाई शुक्रबार साँझ जमानीमा रिहा गरेको महानगरीय प्रहरी परिसर, ललितपुरले जनाएको छ ।

याे पनि पढ्नुस  १११ दिनपछि रिहा भए अखिल (क्रान्तिकारी) का केन्द्रीय सदस्य चन्द

बुवाको जमानीमा रिहा भएका भिटनलाई १३ गते प्रहरीमा हाजिर हुन भनिएको छ ।

भिटेनले प्रहरीको युनिफर्म लगाई लागूऔषध सेवन गरिरहेको फोटो आफ्नो फेसबुकमा राखेर प्रहरी पोशाकको दुरुपयोगसमेत गरेको भन्दै ललितपुर प्रहरीले सार्वजनिक हित तथा नैतिकताविरुद्धको अपराधमा अदालतबाट सात दिनको म्याद थप गरी मुद्दा चलाउने तयारी गरेको थियो ।

याे पनि पढ्नुस  भिटेनले गाए फिल्म ‘सरौंतो’ को गीत

उनलाई युट्युबबाट भने गीत हटाउन भनिएको थियो । केही दिनअघि मात्रै उच्छृङ्खल गीत गाएको आरोपमा पक्राउ परेका गायक दुर्गेश थापाले गल्ती स्वीकार गरी माफी मागेपछि उनलाई छाडिएको थियो ।

कमेन्ट गर्नुहोस्