भारतविरुद्ध १९३ रनमै समेटियो नेपाल, पवनको शानदार अर्धशतक

काठमाडौंः आजदेखि बंगलादेशमा सुरु भएको एमसीसी इमर्जिङ एसिया कपको पहिलो खेलमा नेपालले भारतलाई १ सय ९४ रनको लक्ष्य दिएको छ ।

टस हारेर ब्याटिङको मौका पाएको नेपालले ४४.५ ओभरमा सबै विकेट गुमाएर १ सय ९३ रन बनायो । नेपालका लागि पवन सरार्फले ५६, शरद भेषवाकरले ४४, दीपेन्द्रसिंह ऐरीले २४, कुशल भुर्तेलले २८, करन केसीले २०, विनोद भण्डारीले ५ रन बनाए । खेल ५० ओभरको हो । बलिङमा भारतका शौरभ दुवेले सर्बाधिक ४ विकेट लिए ।

याे पनि पढ्नुस  नेपालले दियो भारतलाई २११ रनको लक्ष्य, रितको उत्कृष्ट ब्याटिङ

प्रतियोगितामा टेष्ट राष्ट्र भारत, पाकिस्तान, बंगलादेश, श्रीलंका र अफगानिस्तानसहित नेपाल, ओमान र हङकङले खेल्ने छन् । सहभागी ८ टोलीलाई दुई समूहमा विभाजन गरिएको छ ।

नेपाल समूह ‘बी’ मा रहेको छ । नेपालको समूहमा भारत, बंगलादेश र हङकङ रहेका छन् । समूह ‘ए’ मा पाकिस्तान, ओमान,श्रीलंका र अफगानिस्तान रहेका छन् ।

याे पनि पढ्नुस  साफ यू–१५ च्याम्पियनसिपः उपाधिका लागि आज भारत र नेपाल भिड्दै

यस्तै नोभेम्बर १६ मा हङकङसँग खेल्दा समूह चरणको अन्तिम खेलमा नेपालले नोभेम्बर १८ मा बंगलादेशको सामना गर्नेछ ।  प्रतियोगितामा यूएईले नाम फिर्ता लिएपछि नेपालले खेल्ने अवसर पाएको हो ।

भारतविरुद्ध नेपालको प्लेइङ ११ः 

ज्ञानेन्द्र मल्ल (कप्तान)
दीपेन्द्र सिंह ऐरी

शरद भेषावकर
सोमपाल कामी

याे पनि पढ्नुस  १५० रन बनाउँदै नेपालले गुमायो ७ विकेट (स्कोरसहित)

करण केसी
विनोद भण्डारी

ललित नारायण राजवंशी
पवन सरार्फ
सुसन भारी

आरिफ शेख
कुशल भुर्तेल

 

कमेन्ट गर्नुहोस्