सीके राउतको पार्टीद्वारा प्रदेश नं. २ का सबै स्थानमा उम्मेदवारी दर्ता

काठमाडाैँ, सीके राउत नेतृत्वको जनमत पार्टीले प्रदेश २ अन्तर्गत उपनिर्वाचन हुने सबै पदमा उम्मेदवारी दिएको छ । प्रदेश २ मा एक गाउँपालिका अध्यक्ष र ९ वडाध्यक्षका लागि मंसिर १४ मा उपनिर्वाचन हुँदै छ ।

पहिलो पटक निर्वाचनमा सहभागी भएको उक्त पार्टीले महोत्तरीको पिपरा गाउँपालिका अध्यक्षमा अन्जनीदेवी मण्डललाई उठाएको छ ।

याे पनि पढ्नुस  सिके राउत र तिनका कार्यकर्ताले सम्झौता पालना नगरे सरकारले 'एक्सन' लिन्छ: मन्त्री पण्डित

राजपाबाट निर्वाचित विनोद चौधरीको मृत्युपछि रिक्त पदका लागि दलका ११ र स्वतन्त्र ९ जनाको उम्मेदवारी परेको मुख्य निर्वाचन अधिकृत विष्णु सुवेदीले जानकारी दिए ।

अलग मधेस राज्यको नारा दिएर विभिन्न गतिविधि गर्दै आएका राउतले ०७५ फागुनमा सरकारसँग सहमति गरेका थिए । त्यसलगत्तै उनले जनमत पार्टी गठन गरेका थिए ।

याे पनि पढ्नुस  सीके राउतद्वारा राष्ट्रिय परिषद् बैठक आव्हान, 'स्वतन्त्र मधेश'को माग यथावत

कमेन्ट गर्नुहोस्