बंगलादेशविरुद्ध १०० रन नबनाउँदै नेपालले गुमायाे ८ विकेट !

काठमाडौंः एसीसी इमर्जिङ टिम्स एसिया कप अन्तर्गत घरेलु टोली बंगलादेश विरुद्धसँगको खेलमा नेपालले खराब ब्याटिङ गरेको छ ।

टस हारेर ब्याटिङको मौका पाएको नेपालले ९० रन नबनाउँदै महत्वपूर्ण ८ विकेट गुमाएको छ ।

नेपालले आठौं विकेटका रुपमा विनोद भण्डारीलाई ८ रनमा गुमाएकाे हाे ।

यसअघि नेपालले पवन सरार्फलाई ९, शरद भेषवारलाई १, दीपेन्द्रसिंह ऐेरीलाई ६, आरिफ शेखलाई ११, कप्तान ज्ञानेन्द्र मल्ललाई २२, कुसल भुर्तेललाई १० रनमा गुमाइसकेको छ ।

टस हारेर ब्याटिङको मौका पाएको नेपालले यो समाचार तयार पार्दासम्म २८ ओभरमा ८ विकेट  गुमाएर ८५ रन बनाएको छ ।

स्कोरबोर्ड हेर्न यहाँ क्लिक गर्नुस्

भारतसँग ७ विकेटले पराजित भएको नेपालले दोस्रो खेलमा हङकङलाई ४० रनले हराउँदै अघिल्लो चरणको आशा कायमै राखेको छ । नेपाल आजको खेलमा अनुकूल नतिजा निकाले अन्तिम ४ मा प्रवेश गर्ने छ ।

बंगलादेश सेमिफाइनल नजिक छ । पहिलो खेलमा हङकङलाई ९ विकेटले हराएको बंगलादेशले दोस्रो खेलमा भारतलाई ६ विकेटले पराजित गरेको थियो ।

बंगलादेशको टोलीमा सिनियर टोलीका ६ खेलेका खेलाडी रहेका छन् । नाजमुल शान्टो, सौम्य सरकार, अबू हैदर रोनी, अफिफ हुसैन, अनीमुल इस्लाम र मोहम्मद नइमले बंगलादेशको सिनियर टोलीबाट खेलिसकेका छन् ।

बंगलादेशविरुद्ध नेपालको प्लेइङ ११ 

ज्ञानेन्द्र मल्ल
कुशल भुर्तेल

शरद भेषावकर
आरिफ शेख

दीपेन्द्रसिंह ऐरी
विनोद भण्डारी

पवन सर्राफ
करण केसी

सन्दीप जोरा
सोमपाल कामी

सुशन भारी

 

कमेन्ट गर्नुहोस्