मन्त्री छनौट प्रधानमन्त्रीको क्षेत्राधिकार, प्रचण्डको नाम जोडिनु गलत– सचिवालय

काठमाडौंः मन्त्रिपरिषद् पुनर्गठनकाे विषयमा नेपाल कम्युनिष्ट पार्टी (नेकपा) अध्यक्ष प्रचण्डको नाम जोडिएर आएका समाचारप्रति सचिवालयले आपत्ति जनाएको छ । आज प्रचण्ड सचिवालयले प्रेस विज्ञप्ति जारी गर्दै त्यस्ता भ्रामक समाचारप्रति आपत्ति जनाएको हो ।

सचिवालयले जारी गरेको विज्ञप्तिमा लेखिएको छ, ‘हाम्रो पार्टी नेतृत्वमा रहेको वर्तमान सरकारमा सहभागी मन्त्रीहरुका बिषयमा अध्यक्ष कमरेड प्रचण्डलाई जोडेर विभिन्न सञ्चारमाध्यममा प्रसारित÷प्रकाशित अनर्गल र भ्रामक समाचारको हाम्रो सचिवालय घोर भत्र्सना र खण्डन गर्दछ ।’

मन्त्री मण्डल फेरबदलको बिषय प्रधानमन्त्री केपी शर्मा ओलीकै क्षेत्राधिकारको बिषय रहेकाले यस विषयमा कुनै विवाद नै नरहेको सचिवालयले स्पष्ट पारेको छ । पत्रकारिताको सामान्य मान्यताको पनि ख्याल नगरी भएको यस प्रकारको दुश्प्रचारको भ्रममा नपर्न प्रचण्ड सचिवालयले आग्रहसमेत गरेको छ ।

प्रचण्ड सचिवालयले जारी गरेको भ्रामक समाचारको खण्डन

हाम्रो पार्टी नेतृत्वमा रहेको वर्तमान सरकारमा सहभागी मन्त्रीहरुका बिषयमा अध्यक्ष कमरेड प्रचण्डलाई जोडेर विभिन्न सञ्चारमाध्यममा प्रसारित÷प्रकाशित अनर्गल र भ्रामक समाचारको हाम्रो सचिवालय घोर भत्र्सना र खण्डन गर्दछ ।

मन्त्री मण्डल फेरबदलको बिषय प्रधानमन्त्री केपी शर्मा ओली कै क्षेत्राधिकारको बिषय रहेको कुरा अध्यक्ष कमरेड प्रचण्डले बारम्बार जोड दिईरहनुभएको तथ्य सबैमा विदितै छ । पत्रकारिताको सामान्य मान्यताको पनि ख्याल नगरी भएको यस प्रकारको दुश्प्रचारको भ्रममा नपर्न सबैमा आग्रह गर्दछौं । –अध्यक्ष प्रचण्डको निजी सचिवालय
खुमलटार

कमेन्ट गर्नुहोस्