फेरि बढ्यो सुनचाँदीको मूल्य

काठमाडौंः नेपाली बजारमा मंगलबार सुनको मूल्य बढेको छ ।

सोमबार ७१ हजार ६ सयमा कारोबार भएको सुन आज भने बढेर प्रतितोला ७२ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, सोमबार ७१ हजार ३ रुपैयाँ रहेको तेजावी सुन मंगलबार भने प्रतितोला ७१ हजार ७ सय रुपैयाँ पुगेको छ ।

आज चाँदीको मूल्य पनि बढेको छ । सोमबार ८ सय ५० रुपैयाँमा कारोबार भएको चाँदी आज प्रतितोला ८ सय ६० रुपैयाँ निर्धारण गरिएको महासंघले जनाएको छ ।

कमेन्ट गर्नुहोस्