राष्ट्रपतिमा राजापाक्षे निर्वाचित भएपछि राजीनामा दिँदै श्रीलङ्काका प्रधानमन्त्री

एजेन्सीः श्रीलङ्काका प्रधानमन्त्री रनिल विक्रमासिंघेले आज बुधबार राजीनामा दिने तयारी गरेका छन् । राष्ट्रपतिका रुपमा गोटाबाया राजापाक्षे निर्वाचित भएपछि प्रधानमन्त्री विक्रमासिंघेले राजीनामा दिने तयारी गरेका हुन् ।

नयाँ राष्ट्रपतिलाई आफ्नो अनुकुलको सरकार गठनका लागि मार्गप्रसस्त गरिदिन उनले राजिनामा दिन लागेको श्रीलङ्काको दैनिक पत्रिका डेलि मिररले लेखेको छ । राजीनामा दिने बारेमा विक्रमा सिंघेले मङ्गलबार नै नवनिर्वाचित राष्ट्रपति राजापाक्षेसँग छलफल गरेका थिए ।

याे पनि पढ्नुस  सभामुखद्वारा विक्रमासिंघेलाई नै श्रीलंकाको प्रधानमन्त्रीको मान्यता

भेटवार्ताका क्रममा प्रधानमन्त्री विक्रमासिंघेले राष्ट्रपति राजापाक्षेलाई बधाइ तथा सफल कार्यकालको शुभकामना दिएको जनाइएको छ । स्थानीय समयानुसार बुधबार दिउसो ४ बजे बस्ने मन्त्रिपरिषद्को विषेश बैठकपछि उनले पद त्यागको घोषणा गर्ने श्रीलङ्का दैनिकले लेखेको छ ।

विक्रमासिंघेले राजीनामा घोषणा गरेपछि राष्ट्रपति राजापाक्षेले सानो आकारको प्रारम्भिक नयाँ मन्त्री परिषद् गठन गर्ने जनाइएको छ । सन् २०२० को मार्च १ पछि नयाँ संसद बन्ने भएकाले त्यतिबेलासम्म नै सानो मन्त्रिपरिषद् मात्रै रहने अनुमान गरिएको छ । स्रोतका अनुसार नयाँ मन्त्रीपरिषद् १५ सदस्यीय हुनेछ । नयाँ मन्त्रीहरु सवै राजापाक्षेत्रको पार्टीबाट हुने भएका छन् ।

याे पनि पढ्नुस  श्रीलंकाका राष्ट्रपति राजापाक्षेले गरे ३५ राज्यमन्त्री नियुक्त

युनाइडेट नेस्नल पार्टी (युडीपी)का तर्फबाट राष्ट्रपतिका लागि उम्मेदवार बनेका सजिथ प्रेमादासलाई झण्डै १३ लाख मत अन्तरले पराजित गर्दै ७० वर्षीय राजापाक्षे राष्ट्रपति बनेका हुन् । नयाँ राष्ट्रपति चयनका लागि श्रीलङ्कामा गत शनिबार मतदान भएको थियो भने मत परिणाम आइतबार घोषणा गरिएको थियो ।

याे पनि पढ्नुस  श्रीलंकाका राष्ट्रपति राजापाक्षेले गरे ३५ राज्यमन्त्री नियुक्त

आइतबार निर्वाचित राष्ट्रपति राजापाक्षेले सोमबार सपथ ग्रहण गरेका थिए । राजापाक्षे परिवारबाट राष्ट्रपति बन्ने उनी दोस्रो व्यक्ति हुन् । यसअघि उनको परिवारबाट दाई महिन्दा राजापाक्षे राष्ट्रपति बनेका थिए । उनले सन् २००५ देखि २०१५ सम्म श्रीलङ्कामा राष्ट्रपतिको रुपमा देशको नेतृत्व गरेका थिए ।

कमेन्ट गर्नुहोस्