पूजाको सपना न्यायाधीश बन्ने

काठमाडौंः राजधानीको एक क्याम्पसमा बीए एलएलबी चौथो सेमेस्टरमा अध्ययनरत २३ वर्षीया पूजा (नाम परिवर्तन) आठ वर्षअघि बैतडी जिल्ला सदरमुकाम खलङ्गामा भएको पाशविक र पीडादायी घटना सम्झना पनि गर्न चाहदिनन्।

वि.सं. २०६८ चैतमा गाउँबाट एसएलसीको परीक्षा दिन सदरमुकाम झरेकी पूजामाथि भएको सामूहिक बलात्कारको घटनालाई जतिसुकै बिर्सन खोजे पनि न्यायको चेतनाले भने उनलाई बारम्बार झस्काइरह्यो ।
त्यही चेतनाले बारम्बार झस्काएकै कारण पीडित पूजाले आठ वर्षपछि न्याय पाएकि छन् । सर्वोच्च अदालतले पूजामाथि भएको पाशविक र पीडादायी अपराधमा संलग्न अभियुक्तलाई दोषी ठहर गरी ११ वर्ष कैद र १० लाख रुपियाँ क्षतिपूर्ति सजाय सुनाएको छ । तर अपराधी अझै फरार छन् ।

याे पनि पढ्नुस  बैतडीको सुर्नयाबाट काँग्रेसले खोल्यो जितको खाता

“यो फैसलाले मेरो पीडामा मल्हमपट्टी लगाइदिएको छ”, पीडित पूजाले भनिन्, “अपराधीलाई छिट्टै पक्राउ गरी कानुनको कठघरामा उभ्याइयोस् ।’’ सर्वोच्च अदालतका न्यायाधीशद्वय सपना प्रधान मल्ल र हरि फुयाँलको संयुक्त इजलासले यही सोमबार उक्त फैसला सुनाएको हो ।
तत्कालीन पुनरावेदन अदालत महेन्द्रनगरले जिल्ला अदालत बैतडीको फैसला उल्ट्याउँदै सामूहिक बलात्कार अपराधमा संलग्न सागर भट्ट र अमर अवस्थीलाई साधारण तारेखमा छोड्न आदेश दिएको थियो । सो आदेशले पूजालाई चोटमाथि चोट थपिदियो । दुवैजना फरार भए ।

तर पनि पूजाले हिम्मत हारिनन्, ‘इँटको जवाफ पत्थरले दिने’ दृढ विश्वासका साथ न्यायका लागि निरन्तर लडिरहिन् । अन्ततः आठ वर्षको सङ्घर्षपछि न्याय प्राप्त भयो ।
१६ वर्षको किशोरी अवस्थामा भएको त्यो पीडादायी घटना सम्झन्न पनि चाहन्नँ । पुनरावेदन अदालतको आदेशपछि निराश बनकी पूजा आफ्नो न्यायका लागि मात्र नभई आफूजस्तै अन्य पीडित चेलीबेटीको न्यायका लागि कानुन पढ्न थालेकि छन् ।

याे पनि पढ्नुस  बैतडीमा २ जनाको हत्या आरोपमा ७ जना पक्राउ

उनले व्यवस्थापन सङ्कायमा कक्षा ११ र १२ उत्तीर्ण गरेपछि बीए एलएलबी पढ्न थालिन । कानुन पढेर राम्रो वकिल वा न्यायाधीश बन्ने सपना उनको छ । पुनरावेदन अदालत महेन्द्रनगरको फैसला त्रुटिपूर्ण रहेको भन्दै किशोरी पूजा सर्वोच्च अदालतको ढोका ढकढक्याउन पुगिन ।
अन्तिममा भए पनि न्याय मिलेको भन्दै उनले थपिन, “निकै खुसी छु । मेरो न्यायका लागि लड्ने सबैलाई सम्झन चाहन्छु । त्यसअघि जिल्ला अदालत बैतडीले अभियुक्तविरुद्ध जनही १३ वर्ष कैद र ५० हजार रुपियाँ जरिवाना सजाय सुनाएको थियो ।”

याे पनि पढ्नुस  खोलामा किशाेरीको शव फेला

किशोरी पूजा घटना भएको भोलिपल्ट बिहान रक्ताम्मे र अचेत अवस्थामा फेला परेकि थिइन । मानसिक रूपमा विक्षिप्त भएकी पूजाको विभिन्न गैरसरकारी सङ्घसंस्थाको सहयोगमा औषधि उपचार गरिएको थियो । हाल उनी स्वस्थ छिन्। गोरखापत्र दैनिकबाट

कमेन्ट गर्नुहोस्