टी–१० लिगः आन्द्रेको टिमविरुद्ध मराठाको शानदार जित

काठमाडौंः यूएईमा जारी टी–१० लिग अन्तर्गत बंगला टाइगर्स विरुद्धको खेलमा मराठा अरबियन्स ७ विकेटले विजयी भएको छ ।

बंगला टाइगर्सले दिएको १ सय ७ रनको लक्ष्य मराठाले ८.३ ओभरमा ३ विकेट गुमाएर पूरा गर्यो ।

उसका लागि नजिबुल्लाह जर्दानले अविजित ३६, क्रिस लिन, यसवराज सिंह (नटआउट) ले २३–२३, एडम लिथले १४ रन बनाए ।

यसअघि टस जितेर ब्याटिङ रोजेको टाइगर्सले निर्धारित १० ओभरमा ७ विकेट गुमाएर १ सय ६ रन बनायो ।

उसका लागि टम मोरिसले नटआउट ४३, रोबी फ्राइलिंकले १८, आन्द्रे फ्लेचरले १३ रन बनाए । अन्य खेलाडीले भने सन्तोषजनक प्रदर्शन गर्न सकेनन् ।

बलिङमा मराठाका कसुन रजिथा, डिजे ब्रावोले २–२, दसुन शनाका, सिराज अहमद र लसिथ मलिंगाले १–१ विकेट लिए ।

यो संस्करणको प्ले अफ’मा मराठा अरबियन्ससहित कलन्दर्स, बंगला टाइगर्स र डेक्कन ग्लाडियटर्स पुगेका छन् ।

नर्थन वारियर्स, दिल्ली बुल्स, टिम आबुधाबी र कर्नाटक टस्कर्स भने यो सिजनको टी–१० को ‘प्लेअफ’ पुग्न असफल भए ।

आजै हुने तेस्रो खेलमा नेपाली क्रिकेटका स्टार सन्दीप लामिछाने र पारस खड्काआवद्ध टिम भिड्दै छन् ।

सन्दीपको टिम कर्नाटक टस्कर्स र पारसआवद्ध टिम आबुधाबी बीचको खेल नेपाली समयअनुसार राति ९ः४५ बजे सुरु हुँदैछ ।

पारस र सन्दीपआवद्ध टिमको ‘सुपर लिग’ अन्तर्गतको यो अन्तिम खेल हो । दुवै टिमले समान पाँच म्याच खेलिसकेका छन् । जसमा टिम आबुधाबीले ५ खेलमा २ मा हार र एक म्याचमा मात्र जित निकालेको छ ।

कमेन्ट गर्नुहोस्