नक्कली चेक बनाएर अर्काको खाताबाट यसरी निकालियो पैंसा !

काठमाडौंः बैंकबाट १९ लाख बढी चोरी गरेको आरोपमा प्रहरीले छ जनालाई पक्राउ गरेको जनाएको छ ।

जनता बैंकको बानेश्वर शाखामा खाता रहेका गोपालमान राज बाहकको खाताको पैसा नक्कली चेक बनाएर १९ लाख ९९ हजार रुपैयाँ निकालेको आरोपमा प्रहरीले छ जनालाई पक्राउ गरेको हो ।

याे पनि पढ्नुस  ल्याण्डमार्क सामूहिक बलात्कार : मुख्य अभियुक्तलाई ५ वर्ष कैद

पक्राउ पर्नेमा काभ्रे पाँचखाल घर भई हाल कालिमाटी बस्ने सुभाष श्रेष्ठ, कुमार तामाङ, मनिष घिमिरे, अन्जन बराल, बाग्लुङ गलकोटकी बुद्धनगर बस्ने सुमन पौडेल र सिन्धुपाल्चोक साविक ज्यामिरे–९ घर भई हाल सुविधानगर बस्ने गोविन्द घिमिरे रहेका छन् । उनीहरूले पटक पटक गरी खाताबाट पैसा निकालेका थिए।

याे पनि पढ्नुस  थुनामा राख्ने आदेश विरुद्ध महराले दिए उच्च अदालतमा आवेदन

काठमाडौं प्रहरी परिसर, टेकुका प्रमुख एसएसपी उत्तमराज सुवेदीले पक्राउ परेका छ जनाबाट १८ लाख रुपैयाँ बरामद भएको जानकारी दिए । यसमा बैंकका कर्मचारीको पनि मिलेमतो हुन सक्ने उनले बताए ।

उनीहरूमाथि थप अनुसन्धान गर्न उच्च अदालत पाटनबाट सात दिनको म्याद थपिएको छ ।

कमेन्ट गर्नुहोस्