१३ औँ सागः श्रीलंकाद्वारा नेपाललाई ११७ रनको लक्ष्य

काठमाडौंः १३ औं दक्षिण एसियाली खेलकुद (साग) को महिला क्रिकेटमा टेष्ट राष्ट्र श्रीलंकाले नेपाललाई १ सय १७ रनको लक्ष्य दिएको छ ।

पोखरा रंगशालामा टस जितेर ब्याटिङ रोजेको श्रीलंकाले निर्धारित २० ओभरमा ७ विकेट गुमाएर १ सय १६ रन बनायो ।

उसका लागि लिहिनी अप्सराले ३७, जनादी अनालीले ३५, कप्तान हर्षित मडावीले १६,  सत्य सन्दीपनीले २२, उमेषा थिमाशिनीले २ र जिमान्जाली विजनेयके रन बनाइन् ।

बलिङमा नेपाली सोनु खड्का सरस्वतीकुमारी चौधरीले २–२ र अञ्जली चन्दले एक विकेट लिइन् ।

सागमा स्वर्ण जित्ने लक्ष्य लिएको नेपाली महिला टिमका लागि श्रीलंकासँगको खेल निकै महत्वपूर्ण रहेको छ ।

फाइनलमा पुग्न नेपालले आज श्रीलंकालाई हराउँनैपर्ने हुन्छ । अघिल्ला दुई खेलमा एक जित र एक हार व्यहोरेको नेपाल तालिकाको तेस्रो स्थानमा छ ।

नेपालले २ खेलमा २ अंक जोडेको छ । श्रीलंका २ खेलमा २ अंक जोडेर दोस्रो स्थानमा रहेको छ । राउण्ड रोबिनको आधारमा जारी महिला क्रिकेटको शीर्ष दुई टिमले स्वर्णका लागि खेल्ने छन् ।

३ खेलमा अपराजित बंगलादेश ६ अंक जोडेर फाइनल पुगिसकेको छ । पहिलो खेलमा माल्दिभ्सविरुद्ध नेपालले १० विकेटको जित निकालेको थियो । टेष्ट राष्ट्र बंगलादेशसँग भने नेपाल १० विकेटको पारजित हुन पुग्यो ।

हालसम्म श्रीलंकासँग खेलेका  २ खेलमा नेपालले जित हासिल गर्न सकेको छैन । यदि आज घरेलु मैदानमा श्रीलंकालाई हराए इतिहास रच्न सफलसमेत हुनेछ ।

कमेन्ट गर्नुहोस्