‘डिसहोम क्रेडिट सर्भिस’ अब ५ दिनसम्म पाइने

काठमाडौंः डिस मिडिया नेटवर्क प्रा.लिले ‘क्रेडिट सर्भिस’ को म्याथ थप गरेर ५ दिन पुर्याएको छ । डिस होमले आज एक प्रेस विज्ञप्ति जारी गर्दै म्याद थप गरिएको जनाएको हो ।

विज्ञप्तिमा भनिएको छ, ‘यो सेवाका साथ ग्राहकहरुले एकपटक किनेको नियमित सेवाको अवधि समाप्त भएपछि थप ५ दिनको क्रेडिट सेवा प्राप्त गर्न सक्ने छन् । यसरी नियमित सेवाको अवधि समाप्त भएपछि थप गरिएको क्रेडिट अवधि ग्राहकहरुले आफ्नो सेवा नवीकरण गर्दा सोही नवीकरण अवधिमा मिलान गरिनेछ । यो प्रक्रिया झन्झट रहित स्वचालित सेल्फ–सर्भिस मोडल प्रणालीमार्फत् संचालित हुनेछ ।’

याे पनि पढ्नुस  डिसहोम अब मोबाइलमा हेर्न मिल्ने

यो सेवा सुविधा प्राप्त गर्नका लागि ग्राहकले कुनै प्रकारको अतिरिक्त व्ययभार व्यहोर्नु नपर्ने डिसहोमले जनाएको छ ।

सर्भिस सुचारु गर्नुको उद्देश्य ग्राहकलाई व्यवधानरहित सेवा उपलब्ध गराउनु रहेकोसमेत डिसहोमले स्पष्ट पारेको छ । जारी विज्ञप्तिमा भनिएको छ, ‘यो सेवा ग्राहकहरुले आफ्नो सेवा रिचार्ज गर्नलाई ग्रेस (सुविधा) अवधिको रुपमा उपलब्ध गराइने छ । यस प्रकारको सेवाबाट विशेष गरेर ग्रामीण भेगका ग्राहकहरु, जहाँ तत्काल रिचार्ज गर्न समस्याहुन सक्छ, उनीहरु वास्तविक रुपमा लाभान्वीत हुनेछन् । यो सेवाको कारण अचानक सेवा टुट्न गएको अवस्थामा तत्काल सेवा नवीकरण सुविधा उपलब्ध हुने हुँदा ग्राहकहरुको टेलिभिजन हेर्ने अनुभवलाई थप विस्तार गर्न सहयोग पुग्ने अपेक्षा गरिएको छ ।’

याे पनि पढ्नुस  डिसहोमको सिनेमाघर च्यानलमा चलचित्र ‘छिरिङ’ हेर्न सकिने

कमेन्ट गर्नुहोस्