नारायणगढ–मुग्लिन सडक दैनिक ४ घण्टा बन्द हुने

चितवनः पहिरो रोक्ने काम बाँकी रहेकाले चितवनको मुग्लिन–नारायणगढ सडकखण्ड शुक्रबारदेखि दुई हप्ताका लागि बन्द हुने भएको छ ।

मंसिर २७ गतेदेखि पुसको ११ गतेसम्म लागि विहान ११ बजेदेखि ३ बजेसम्म बन्द गर्न लागिएको हो । सडकको निर्माण कार्य सकिएपनि पहाडको पहिरो रोक्ने काम बाँकी रहेकाले सडक बन्द गरेर काम गर्न लागिएको हो ।

याे पनि पढ्नुस  सडकमा दुर्घटना रोक्न ‘राडार गन’ प्रयोग

मुग्लिन नारायणगढ सडक आयोजनाका सूचना अधिकारी शिव खनालले भने, ‘पहिलो झर्ने विभिन्न आठ स्थानमा काम गर्नु पर्ने भएकाले हामीले सूचना प्रकाशित गरेका छौ, शुक्रबारबाट बन्द हुन्छ ।’

बन्द गर्ने विषयमा तयारी भएपनि भरतपुर विमानस्थल मर्मतको लागि बन्द गर्दा केही समय ढिला भएको सूचना अधिकारी खनालले जानकारी दिए । ढुंगा झारेर काम गर्नको लागि ठेक्का सम्झौता भइसकेको खनालले बताए । १२ करोडको लागतमा ठेक्का भएको काम ६ महिना भित्र सक्ने योजना रहेको छ । पहाडमा झर्न लागेका पहिरो, खुकुलो माटोलाई झारेर तारजाली हाल्ने योजना रहेको छ ।

याे पनि पढ्नुस  नारायणगढ–मुग्लिन सडक फेरि अवरुद्ध

दैनिक ४ घण्टा यातायात बन्द गरेर काम गर्नु पर्ने भएकाले बन्दको समयमा सो राजमार्ग यात्रा नगर्न आयोजनाले सूचित गरेको छ । ढुंगा झार्ने स्थानहरुमा गाइघाट, १८ किलो, झालुढुंगा, जलवीरे, ४ किलो, घुमाउने, टोपेखोला, कालिखोला रहेका छन् ।

काठमाडौं पोखराको सवारी साधन भने निर्वाध रुपमा सञ्चालन हुने आयोजनाले जानकारी दिएको छ । नारायणगढ र काठमाण्डौबाट सडक पार हुने सवारी यातायातको लागि भने रोकिनु पर्ने हुन्छ ।

याे पनि पढ्नुस  २ घण्टापछि खुल्यो नारायणगढ–मुग्लिन सडक

कमेन्ट गर्नुहोस्