डिस्को काण्डः बिमलसहित ४ फुटबलर निलम्बित, ५० हजार जरिवाना

काठमाडौंः अखिल नेपाल फुटबल संघ (एन्फा) को अनुशासन समितिले कुवेतसँग विश्वकप छनोट खेल्नुअघि डिस्को गएका खेलाडीलाई निलम्बन सहित आर्थिक जरिवानाको कारवाही गरेको छ ।

एन्फा अनुशासन समितिले शुक्रबार विमल घर्तीमगर र दिनेश राजवंशीलाई ९० दिन तथा अन्जन बिष्ट र सन्तोष तामाङलाई ४५ दिन निलम्बनको कारवाही गरेको हो । चारैजनालाई जनही ५० हजार रुपैयाँ जरिवाना पनि गरिएको छ ।

कुवेतविरुद्ध भुटान खेल्न जानुअघि चार फुटबलर ठमेल र दबारमार्कका डिस्को र नाइट क्लबमा पुगेका थिए । त्यही वेला उनीहरुलाई टोलीबाट बर्खास्त गरिएको थियो ।

यी खेलाडीले १३औं दक्षिण एसियाली खेलकुद (साग) पनि गुमाएका थिए । यी खेलाडीको कारबाही प्रारम्भ नोभेम्बर १३ तारिखदेखिनै सुरु हुने एन्फाले जनाएको छ ।

कमेन्ट गर्नुहोस्