भाेलि धनुषाका सम्पूर्ण शैक्षिक संस्था बन्द

काठमाडौंः बम बिस्फोटमा परी तीन जनाको मृत्यु भएको शोकमा आइतबार धनुषा जिल्ला भरिका सम्पूर्ण संस्थागत शैक्षिक संस्था बन्द हुने भएका छन् ।

संस्थागत विद्यालय संरक्षण समितिले एक विज्ञप्ती जारी गर्दै घटनाको शोकमा आइतबार धनुषा जिल्ला भरिका सम्पूर्ण संस्थागत विद्यालय तथा क्याम्पस बन्दको घोषणा गरेको हो ।

याे पनि पढ्नुस  बिहीबार शैक्षिक संस्थामा सार्वजनिक बिदा

घटना पश्चात् संस्थागत विद्यालय संरक्षण समितिका अध्यक्ष चन्द्रनारायण मण्डलले एक विज्ञप्ति जारी गरी यस घटनाले स्तब्ध बनाएको भन्दै निजी शैक्षिक संस्था बन्द रहने जनाएका छन् ।

धनुषाको क्षिरेश्वरनाथ नगरपालिका ५ स्थित महेन्द्रनगरमा शुक्रबार राति राजेश्वर साहको घरमा अज्ञात व्यक्तिले छाडेको बम बिस्फोट हुँदा साह र उनका छोरा आनन्द साहको घटनास्थलमै मृत्यु भएको थियो ।

याे पनि पढ्नुस  ६ घण्टामा ६८ हजारले राजधानी छाडे

छोरा आनन्द जनकपुरस्थित सिद्धार्थ शिशु सदन स्कूलमा कक्षा १० मा अध्ययनरत थिए । यस्तै घटनामा गम्भीर घाइते भएका धनुषाका इलाका प्रहरी कार्यालय सखुवा महेन्द्रनगरका इन्सपेक्टर अमिर दहालको समेत उपचारको क्रममा मृत्यु भएको थियो ।

राजेश्वर साहका बुबा भिखारी साह, अर्का छोरा प्रकाश, छोरी अञ्जली र प्रहरी जवान रिजन महतो गम्भीर घाइते भएका छन् । त्यस्तै छोरी निक्कीसमेत घाइते भएकी छन् ।

कमेन्ट गर्नुहोस्