भारतविरुद्ध हेटमाइरको शानदार शतक

काठमाडौंः भारत विरुद्धको एकदिवसीय क्रिकेट सिरिजको पहिलो खेलमा वेस्ट इन्डिज टिमका महत्वपूर्ण सदस्य शिमरोन हेटमाइरले शानदार शतक बनाएका छन् ।

उनले ८५ बलमा ४ छक्का र ८ चौकाको मद्दतमा शतक बनाएका हुन् । वानडेमा हिटमायरको यो पाँचौ शतक हो ।

यो समाचार तयार पार्दासम्म वेस्ट इन्डिजले ३३ ओभरमा १ विकेट गुमाएर १ सय ७८ रन बनाइसकेको छ ।

अब वेस्ट इन्डिजलाई जितका लागि १ सय १० रनको आवश्यकता छ । र, उसँग हातमा ९ विकेट सुरक्षित नै छ ।

यसअघि चेन्नईमा टस हारेर ब्याटिङको मौका पाएको घरेलु टोली भारतले निर्धारित ५० ओभरमा ८ विकेट गुमाएर २ सय ८७ रन बनायो ।

उसका लागि श्रेयस अय्यर, ऋषभ पन्त र केदार जाधबले उत्कृष्ट ब्याटिङ गरे । पन्तले ७१, अय्यरले ७० र जाधबले ४० रन बनाए ।

रवीन्द्र जडेजा २१, शिवम दुबे ९, केएल राहुल ६, कप्तान विराट कोहलीले भने ४ रनमै आउट भए । यस्तै यस्तै दीपक चाहर ३ रनमा अविजित रहे ।

बलिङमा वेस्ट इन्डिजका सेल्डन कोट्रेल, अल्जारी जोसेफ, किमो पउलले २–२ र कप्तान किरण पोलार्डले एक विकेट लिए ।

कमेन्ट गर्नुहोस्