पुस २३ देखि नेकपा केन्द्रीय समिति बैठक

काठमाडौंः नेपाल कम्युनिस्ट पार्टी (नेकपा) केन्द्रीय समिति बैठक पुस २३ गतेदेखि बस्ने भएको छ ।

राजनीतिक प्रतिवेदन परिमार्जनसहित पारित गर्दै स्थायी समिति बैठकले केन्द्रीय समिति बैठकको मिति तय गरेको हो । विधान प्रतिवेदनमाथि भने केन्द्रीय समितिमा छलफल हुने भएको छ। केन्द्रीय समितिमा छलफलपछि मात्र विधान प्रतिवेदन पारित हुनेछ ।

याे पनि पढ्नुस  ओली–प्रचण्डबीचको छलफल सकियो, के भयो कुराकानी ?

केन्द्रीय समिति बैठक राजधानीमा बस्ने निश्चित भए पनि ठाउँको भने टुंगो नलागेको नेता भीम रावलले बताए ।

स्थायी समितिमा सबैभन्दा बढी विवादास्पद बनेको मिलेनियम च्यालेन्ज कर्पोरेशन (एमसीसी) को विषयमा थप छलफलपछि सचिवालयले टुंगो लगाउने भएको छ । अघिल्लो आइतबार सुरु भएको स्थायी समिति बैठक आज टुंगिएको हो ।

याे पनि पढ्नुस  कम्युनिस्टहरुको विजय यात्रालाई कसैले रोक्न सक्दैनः अध्यक्ष प्रचण्ड

शनिबार नै टुंगिने भनिएको बैठक एमसीसीकै विवादका कारण एक दिन लम्बिएको थियो । आइतबार पनि यो विषयमा सहमति नजुटेपछि सचिवालयलाई विवाद समाधानको जिम्मेवारी दिँदै बैठक टुंगिएको हो ।

कमेन्ट गर्नुहोस्