कालीगण्डकी नदीमा ‘क्रुज सिप’: १० मिनेटमै मिर्मी–सेतीवेणी

पोखराः नेपाल भ्रमण बर्ष २०२० लाई लक्षित गरि कालीगण्डकी नदीमा क्रुज सिप सञ्चालन गरिएको छ । पर्वत,गुल्मी र स्याङजाको संगमस्थलमा कालिगण्डकी जलविधुत आयोजनाका क्रममा बनेको जलाशयमा क्रुज सिप सञ्चालनमा ल्याइएको हो ।

यस जलयात्राको लम्बाई ७ कि.मि.रहेको छ । २५ लाखको लागतमा ईटहरीमा निर्माण गरिएको क्रुज सिप (माउण्ट मकालु पानीजहाज) शालिग्राम कालीगण्डकी जलयातायात (पानी जहाज) कम्पनी प्रा.लि.ले सञ्चालनमा ल्याएको हो ।

क्रुज सिपको गण्डकी प्रदेशका उद्योग,पर्यटन,वन तथा वतावरण मन्त्री विकास लम्सालले उद्घाटन गरे । उद्घाटन गर्दै मन्त्री लम्सालले नेपालमा जल पर्यटनबाट आन्तरिक र बाह्य पर्यटक प्रवद्र्धन गर्न सकिने बताए । भ्रमणवर्ष २०२० लक्षित गरी सञ्चालनमा ल्याइएको क्रुजसिपले आन्तरिक तथा बाह्य पर्यटन प्रवद्र्धनमा महत्वपूर्ण टेवा पुग्ने उनले विश्वास व्यक्त गरे ।

याे पनि पढ्नुस  गण्डकी प्रदेशमा थप ५२ जनामा कोरोना पुष्टि

मन्त्री लम्सालले कालीगण्डकी प्राकृतिक, साहसिक तथा धार्मीक पर्यटकीय हिसावले महत्वपूर्ण रहेको चर्चा गर्दै देवघाट,रानीमहल,सेतीवेणी,मोदीवेणी हुदै मुक्तीनाथ सम्मको धार्मीक पर्यटकीय स्थललाई एउटा प्याकेजका रुपमा अगाडी बढाउनुपर्नेमा जोड दिए ।

कालिगण्डकी गाउँपालिका वडा नं. ७ मिर्मी बाट शुरु भएको जलयात्रा विश्व प्रख्यात तथा प्रसिद्ध पर्यटकीय स्थल शिला शालिग्राम भएको स्थान सेतीवेणीसम्म पुगिन्छ । विश्वकै ठुलो शालिग्राम दर्शन गर्न आउने पर्यटकहरुले जलयात्र गरी मनोरञ्जन प्राप्त गर्न सक्नेछन् । सेतीवेणीबाट मिर्मीसम्मको जलयात्रा गर्ने तथा शिला शालिग्राम दर्शनका लागि मिर्मीबाट जलयात्रा गर्ने पर्यटकहरु अब १० मिनेटमै पुग्ने कम्पनीका सञ्चालक चित्र बहादुर रानाले जानकारी दिए ।

याे पनि पढ्नुस  थप ६९ जनामा संक्रमण पुष्टि, कहाँ कति ?

छ महिना अगाडि नेपाल सरकारबाट मकालु पानीजहाज सञ्चालनका लागि अनुमति पाएको यस कम्पनीले अहिले २० सिटको क्रुजबाट यात्रा शुरु गराएता पनि तीन महिनाभित्र १२० ‘सिटर स्मल क्रुज’ सञ्चालन गरिने उनले बताए ।

यहाँ यस अघि देखिनै ईन्जिन र काठबाट बनेको ५० देखि १ सय जना मानिसहरुसम्म बोक्न सक्ने क्षमताका १० वटा स्टिम्बर सञ्चालनमा छन् । रेडियो नेपाल

याे पनि पढ्नुस  बिहानै थप २४ जनामा देखियो कोरोना

कमेन्ट गर्नुहोस्