काठमाडौंः अष्ट्रेलियामा जारी बिग बास लिग (बीबीएल) अन्तर्गत मेलबर्न रेनेगेड्सविरुद्ध नेपाली क्रिकेटर सन्दीप लामिछानेआवद्ध मेलबर्न स्टार्सले टस जितेर बलिङ रोजेको छ । मेलबर्न स्टार्स र मेलबर्न रेनेगेड्स विरुद्धको खेल १ः५५ बजेदेखि सुरु हुँदैछ ।
पाँचौ म्याचमा चोटका कारण विश्राम पाएका सन्दीपले आज भने प्लेइङ ११ मा मौका पाएका छन् । जारी सिजनमा पनि सन्दीपआवद्ध मेलबर्नले शानदार प्रदर्शन गरिरहेको छ ।
उसले ५ खेलमा ४ मा जित र एक खेलमा मात्र हारको सामना गरेको छ । मेलबर्न ८ अंक जोड्दै तालिकाको शीर्ष स्थानमा छ । यता आरोन फिन्च नेतृत्वको रेनेगेड्सले भने पाँच म्याच खेल्दा जितको खाता खोल्न सकेको छैन । रेनेगेड्स गत संस्करणको विजेता टिम हो ।
मेलबर्न रेनेगेड्सविरुद्ध मेलबर्न स्टार्सको प्लेइङ–११ः ग्लेन म्याक्सवेल (कप्तान), नाथन कटर–नाइल, बेन डन्क, पीटर ह्यान्कसम्ब, सन्दीप लामिछाने, निक लार्किन, निक म्याडिन्सन, डेल स्टेन, मार्कस स्टोइनिस, डानियल वर्रल र एडम जम्पा ।
