इरानले अमेरिकी बेस क्याम्पमा क्षेप्यास्त्र आक्रमण गर्दा नेपाली रातभर बंकरमै

काठमाडौं: इराकको अलअन्वर क्षेत्रमा रहेको अमेरिकी अल असाद एयरबेस क्याम्पमा मंगलबार राति १० बजेदेखि नै इरानले मिसाइल हान्दैछ भन्ने हल्ला फैलिसकेको थियो ।

सेनाले तुरुन्तै आपतकालिन घण्टी बजाएपछि झापाका राकेश खत्रीसहित ९ जनाको टोली जमिनमुनीको बंकरमा गएर बसे ।

आपतकालिन घण्टी बजेपछि उनीहरुलाई तोकिएको बंकरमा गएर बस्नुपर्छ भन्ने बेसक्याम्पले पहिले नै सिकाएको थियो । बेसक्याम्पमा फैलिएको हल्ला बुधबार विहान स्थानीय समयअनुसार १ः४५ मा सही निस्क्यो ।

याे पनि पढ्नुस  इरानमा कोरोना संक्रमणबाट जोगिन भन्दै मिसावटयुक्त रक्सी पिउँदा ३६ जनाको मृत्यु

इरानबाट लगातार आएको मिसाइल बेसक्याम्प भित्रै ठूलो आवाजले झर्न थाल्यो । २ः४५ मा बल्ल रोकियो ।

‘मिसाइलको धक्का निकै ठूलो थियो, यस्तो आवाज यसअघि इराकमा कहिल्यै सुनेको थिइँन, क्षत्रीले फोनमा भने, ‘द्वन्द्वग्रस्त क्षेत्रमा यस्तो हुन्छ भन्ने मैंले पहिला नै भोगेको थिएँ, नयाँ साथीहरु भने निकै डराए ।’ इराकी सेनाका अनुसार इरानले प्रहार गरेको २२ मध्ये १७ वटा मिसाइल अल असाद एयरबेसमा झरे । यो खबर आजको कान्तिपुर दैनिकबाट लिइएको हो ।

कमेन्ट गर्नुहोस्