खेल सकिएपछि धक्कामुक्की गर्ने ६ खेलाडी निलम्बित

काठमाडौंः अखिल नेपाल फुटबल संघ (एन्फा) को अनुशासन समितिले मनाङ मर्स्याङ्दी र मछिन्द्र क्लबका झगडा गर्ने खेलाडीलाई निलम्बन गरेको छ ।

अनुशासन समितिले मनाङका जगजित श्रेष्ठ र अशोक बराललाई ५–५ खेल तथा रञ्जन विष्टलाई २ खेलका लागि निलम्बन गरेको हो । यस्तै मच्छिन्द्रका दीपक राई, देवेन्द्र तामाङ र विजय धिमाललाई २ खेलमा निलम्बन गरिएको छ ।

याे पनि पढ्नुस  मोफसलमा २५ फुटबल प्रतियोगिताः कहाँ कहिले ?

एन्फाका अनुसार जगजित र अशोकलाई जनही १० हजार रुपैयाँ जरिवाना पनि तोकिएको छ । मनाङका किट्स म्यानेजर शिव लामालाई लिगको बाँकी सबै खेलमा निलम्बन गरिएको छ भने १० हजार रुपैयाँ जरिवाना पनि तोकिएको छ ।

टिमको बेञ्चलाई अनुशासनमा राख्न नसकेकामा दुबै टिमलाई ५० हजार जरिवाना समेत तोकिएको छ । ए डिभिजन लिगमा सोमबार भएको खेलमा दुई क्लबले २–२ गोलको बराबरी खेलेका थिए । तर खेल लगत्तै दुबै टिमका खेलाडीहरुले झगडा गरेका थिए ।

कमेन्ट गर्नुहोस्