भारतलाई चौथो झड्का, अष्ट्रेलियाविरुद्ध चलेन कोहलीको ब्याट

काठमाडौंः अष्ट्रेलिया विरुद्धको तीन खेलको एकदिवसीय क्रिकेट सिरिजको पहिलो म्याचमा भारतीय टिमका कप्तान विराट कोहली सस्तैमा आउट भएका छन् । उनी ३१.२ ओभरमा व्यक्तिगत १६ रन बनाए र आउट भए ।

कप्तान कोहली एडम जम्पाको सिकार भएका हुन् । योसँगै भारतमा जम्पाले कोहलीलाई चौथोपटक आउट गर्न सफल भएका छन् ।

टस हारेर ब्याटिङको मौका पाएको भारतले यो समाचार तयार पार्दासम्म ३२ ओभरमा ४ विकेट गुमाएर १ सय ६२ रन बनाएको छ ।

शिखर शतक बनाउन असफल

भारतीय टिमका ओपनर शिखर धवन ७४ रनमा आउट हुन पुगे । उनी २८.५ ओभरमा व्यक्तिगत ९१ बलमा ७४ रन बनाएको अवस्थामा क्याच आउटको सिकार भएका हुन् ।

याे पनि पढ्नुस  एकदिवसीय सिरिजः ऋषभ पन्तले तेस्रो खेल गुमाउने

शिखरलाई प्याट कमिन्सले एश्टन अगरको हातबाट क्याच आउट गराए ।

अर्धशतक बनाउन चुके केएल

अष्ट्रेलिया विरुद्धको वानडे सिरिजको पहिलो खेलमा ओपनर केएल राहुल अर्धशतक बनाउन चुके । उनी ३ रनले अर्धशतक बनाउन चुकेका हुन् । केएल २७.१ ओभरमा व्यक्तिगत ४७ रनमा ‘क्याच आउट’को सिकार हुन पुगे । उनलाई एश्टन अगरले स्टिभ स्मिथको हातबाट क्याच आउट गराए ।

शिखरले वानडेमा पूरा गरे २८ औँ अर्धशतक

भारतीय क्रिकेट टिमका ओपनर शिखर धवनले अष्ट्रेलियासँगको सिरिजको पहिलो खेलमै अर्धशतक बनाइसकेका छन् । उनले ६६ बलमा ८ चौकाको मद्दतमा अर्धशतक पूरा गरेका हुन् । वानडे क्रिकेटमा शिखरको यो २८ औँ अर्धशतक हो ।

याे पनि पढ्नुस  विराटले रचे इतिहास, तोडियो धोनीको कीर्तिमान

सस्तैमा आउट भए उपकप्तान शर्मा

भारतले आज पहिलो विकेटका रुपमा ४.३ ओभरमा उपकप्तान रोहित शर्मालाई गुमायो । उनी व्यक्तिगत १० रनमा आउट हुन पुगे । रोहितलाई मिचेल स्टार्कले डेबिड वार्नरको हातबाट क्याच आउट गराएका थिए ।

अष्ट्रेलिया र भारतबीचको पछिल्लो ५ वानडे म्याच हेर्ने हो भने भारतले २ खेलमा मात्र जित हासिल गरेको छ । भारत–अष्ट्रेलियाले अन्तिम वानडे इंग्ल्याण्ड र वेल्समा भएको विश्वकपमा खेलेका थिए । जुन खेलमा भारत ३६ रनले विजयी भएको थियो । उक्त खेलमा भारतका शिखर धवनले शतक बनाएका थिए । वानडे विश्वकपमा खेलेका अघिकांश खेलाडी आजदेखि सुरु भएको सिरिजमा पनि छन् ।

याे पनि पढ्नुस  भातविरुद्ध होपको अर्धशतक, बलियो अवस्थामा वेस्ट इन्डिज

पहिलो खेलमा अष्ट्रेलियाको प्लेइङ ११ः डेविड वार्नर, आरोन फिन्च (कप्तान), स्टिभ स्मिथ, मार्नस लाबुस्ने, एलेक्स क्यारी, एस्टन टर्नर, एश्टन अगर, प्याट कमिन्स, मिचेल स्टार्क, केन रिचर्डसन र एडम जम्पा ।

पहिलो खेलमा भारतको प्लेइङ ११ः शिखर धवन, रोहित शर्मा, केएल राहुल, विराट कोहली (कप्तान), ऋषभ पन्त, श्रेयस अय्यर, रवीन्द्र जडेजा, शार्दुल ठाकुर, कुलदीप यादव, मोहम्मद शामी, र जसप्रीत बुमराह ।

कमेन्ट गर्नुहोस्