भारतलाई लगातार झड्का, श्रेयस पनि सस्तैमा आउट

काठमाडौंः अष्ट्रेलिया विरुद्धको तीन खेलको एकदिवसीय क्रिकेट सिरिजको पहिलो म्याचमा भारतीय टिमका युवा ब्याट्सम्यान श्रेयस अय्यर पनि सस्तैमा आउट भएका छन् । उनी सिरिजको पहिलो खेलमा ४ रनमै आउट भएका हुन् । श्रेयसलाई मिचेल स्टार्सकले ३२.५ ओभरमा विकेटकीपर एलेक्स क्यारीको हातबाट क्याचआउट गराए ।

यसअघि चौथो विकेटका रुपमा भारतले कप्तान विराट कोहलीलाई पनि सस्तैमा गुमायो । उनी ३१.२ ओभरमा व्यक्तिगत १६ रनमा आउट भए । कप्तान कोहली एडम जम्पाको सिकार भएका हुन् । योसँगै भारतमा जम्पाले कोहलीलाई चौथोपटक आउट गर्न सफल भएका छन् ।

याे पनि पढ्नुस  भारतको पाँचौ विकेट पतन, कट्रेललाई पहिलो सफलता

टस हारेर ब्याटिङको मौका पाएको भारतले यो समाचार तयार पार्दासम्म ३५ ओभरमा ५ विकेट गुमाएर १ सय ६९ रन बनाएको छ ।

शिखर शतक बनाउन असफल

भारतीय टिमका ओपनर शिखर धवन ७४ रनमा आउट हुन पुगे । उनी २८.५ ओभरमा व्यक्तिगत ९१ बलमा ७४ रन बनाएको अवस्थामा क्याच आउटको सिकार भएका हुन् ।

शिखरलाई प्याट कमिन्सले एश्टन अगरको हातबाट क्याच आउट गराए ।

अर्धशतक बनाउन चुके केएल

अष्ट्रेलिया विरुद्धको वानडे सिरिजको पहिलो खेलमा ओपनर केएल राहुल अर्धशतक बनाउन चुके । उनी ३ रनले अर्धशतक बनाउन चुकेका हुन् । केएल २७.१ ओभरमा व्यक्तिगत ४७ रनमा ‘क्याच आउट’को सिकार हुन पुगे । उनलाई एश्टन अगरले स्टिभ स्मिथको हातबाट क्याच आउट गराए ।

याे पनि पढ्नुस  वानडे सिरिज : इंग्ल्याण्डविरुद्ध म्याक्सवेलकाे शानदार अर्धशतक

शिखरले वानडेमा पूरा गरे २८ औँ अर्धशतक

भारतीय क्रिकेट टिमका ओपनर शिखर धवनले अष्ट्रेलियासँगको सिरिजको पहिलो खेलमै अर्धशतक बनाइसकेका छन् । उनले ६६ बलमा ८ चौकाको मद्दतमा अर्धशतक पूरा गरेका हुन् । वानडे क्रिकेटमा शिखरको यो २८ औँ अर्धशतक हो ।

सस्तैमा आउट भए उपकप्तान शर्मा

भारतले आज पहिलो विकेटका रुपमा ४.३ ओभरमा उपकप्तान रोहित शर्मालाई गुमायो । उनी व्यक्तिगत १० रनमा आउट हुन पुगे । रोहितलाई मिचेल स्टार्कले डेबिड वार्नरको हातबाट क्याच आउट गराएका थिए ।

याे पनि पढ्नुस  भारतद्वारा वेस्ट इन्डिजलाई ३८८ रनको लक्ष्य, रोहित–राहुलको शतक

पहिलो खेलमा अष्ट्रेलियाको प्लेइङ ११ः डेविड वार्नर, आरोन फिन्च (कप्तान), स्टिभ स्मिथ, मार्नस लाबुस्ने, एलेक्स क्यारी, एस्टन टर्नर, एश्टन अगर, प्याट कमिन्स, मिचेल स्टार्क, केन रिचर्डसन र एडम जम्पा ।

पहिलो खेलमा भारतको प्लेइङ ११ः शिखर धवन, रोहित शर्मा, केएल राहुल, विराट कोहली (कप्तान), ऋषभ पन्त, श्रेयस अय्यर, रवीन्द्र जडेजा, शार्दुल ठाकुर, कुलदीप यादव, मोहम्मद शामी, र जसप्रीत बुमराह ।

कमेन्ट गर्नुहोस्