बिग बास लिगः दशौं खेलका लागि मेलबर्न स्टार्सको सम्भावित प्लेइङ ११

काठमाडौंः अष्ट्रेलियामा जारी बिग बास लिग (बीबीएल) अन्तर्गत मेलबर्न स्टार्समा आवद्ध नेपाली क्रिकेटर सन्दीप लामिछानेले आफ्नो नवौं म्याच खेल्दै छन् । टिमको भने यो दशौं म्याच हो । ९ खेल खेल्दा एक म्याचमा मात्र सामान्य चोटका कारण विश्राम पाएका सन्दीपले बाँकी खेलमा भने नियमित मौका पाउँदै आएका छन् ।

आज पर्थ स्कारेचर्सविरुद्ध पनि उनले प्लेइङ ११ मा माका पाउने सम्भावना बलियो देखिन्छ । मेलबर्नले मंगलबार घोषणा गरेको १३ सदस्यीय टोलीमा पनि सन्दीप अटाइसकेका छन् ।

याे पनि पढ्नुस  बीबीएलः मेलबर्नले पायो १६९ रनको लक्ष्य, सन्दीपले लिए २ विकेट

मेबलर्न र पर्थबीचको खेल दिउँसो ३ः५५ बजेदेखि सुरु हुनेछ । जारी प्रतियोगितामा दुवै टोली बलियो देखिएका छन् । स्टार्सले ९ म्याच खेल्दा ८ मा जित हासिल गर्दै १६ अंक जोडेको छ । र, मेलबर्न तालिकाको शीर्ष स्थानमा छ । यता पर्थले ९ म्याच खेल्दा ५ मा जित निकालेको छ ।

मिचेल मार्श नेतृत्वको पर्थले ९ अंक जोड्दै तेस्रो स्थान बनाएको छ । दशौं म्याचमा मेलबर्नले एक खेलाडी मात्र परिवर्तन गरेको छ । उसले जोनाथन मेर्लोलाई विश्राम दिँदै नाथन कल्टर नाइललाई १३ सदस्यीय टिममा समावेश गरेको छ ।

याे पनि पढ्नुस  सीपीएल : सन्दीपको उत्कृष्ट बलिङ, लिए महत्वपूर्ण विकेट

पर्थविरुद्ध मेलबर्नको सम्भावित प्लेइङ ११ः मार्कस स्टोइनिस, हिल्टन कार्टराइट, ग्लेन म्याक्सवेल (कप्तान), नाथन कल्टर–नाइल, बेन डंक, सेब गोच, क्लिन्ट हिन्चलिफ, सन्दीप लामिछाने, निक लार्किन, हरिस रौफ र डानियल वर्रल ।

बुधबार पहिलो खेलमा मेलबर्न रेनेगेड्स र सिड्नी थन्डर भिड्दै

बीबीएलमा आज २ खेल हुँदै छन् । पहिलो खेलमा मेलबर्न रेनेगेड्स र सिड्नी थन्डर भिड्दै छन् । सिड्नी र मेलबर्नबीचको खेल दिउँसो १२ः५५ बजेदेखि सुरु हुनेछ । जारी प्रतियागितामा सिड्नी ९ अंकका साथ छैटौं स्थानमा छ । यता गत विजेता रेनेगेड्सले भने ९ म्याच खेल्दा अंक विहिन छ ।

कमेन्ट गर्नुहोस्