भारतबाट १ करोड चोरी प्रकरणः नेपाली कांग्रेसका नेता पक्राउ

कैलालीः नेपाली कांग्रेसका एक स्थानीय नेता कैलालीको धनगढीबाट पक्राउ परेका छन् । भारतको राजधानी नयाँदिल्लीबाट एक करोड रुपैयाँ बढी चोरी प्रकरणमा संलग्न रहेको आरोपमा पदम नेपाली पक्राउ परेका हुन् ।

नयाँदिल्लीका विशेश्वर अग्रवालको कार्यालयबाट एक करोड चार लाख बढी नगद र गरगहना चोरी भएको थियो ।

याे पनि पढ्नुस  कांग्रेस केन्द्रीय समिति बैठक बस्दै, यस्ता छन् एजेण्डा

सोही घटनाका सम्बन्धमा उनलाई शनिबार बिहान नियन्त्रणमा लिइएको प्रहरीले जनाएको छ ।

उनी नेपाली कांग्रेसको भातृसंगठन दलित संघका पूर्वकेन्द्रीय सदस्य हुन् । उनले धनगढीमा ‘इन्स्टिट्युट’ सन्चालन गर्दै आएका छन् ।

रकम चोरीको घटनामा ६५ लाख भारुसहित तीनजनालाई प्रहरीले यसअघि नै पक्राउ गरिसकेको छ । कैलालीको गौरीगंगा नगरपालिका–२ की बिन्दा थापा, बाजुराको बूढीगंगा गाउँपालिका–१ का जयसिंह थापा र उनकी श्रीमती मनाकुमारी खड्कालाई प्रहरीले पक्रेको थियो ।

याे पनि पढ्नुस  निर्वाचनमा उम्मेदवारको टुङ्गो लगाउँदै नेपाली काँग्रेस

उनीहरुलाई संरक्षण गर्ने कार्यमा नेपालीले भूमिका खेल्दै आएको देखिएपछि पक्राउ गरेर अनुसन्धान भइरहेको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले बताए ।

कमेन्ट गर्नुहोस्