अमेरिकी दूतावास रहेको बग्दादस्थित ग्रीन जोन क्षेत्रमा ३ रकेट प्रहार

फाइल फोटो

एजेन्सीः मङ्गलबार बग्दादको ग्रीन जोनभित्र तीन वटा कत्युसा रकेट खसेको छ । सुरक्षा व्यवस्था अत्यन्त कडा बनाइएको ‘ग्रीन जोन’ क्षेत्रमा इराकी सरकारी भवन र अमेरिकी दूतावाससमेत कैयौँ विदेशी नियोगहरु छन् ।

रकेट बग्दादबाहिरको जाफरानीया जिल्लाबाट प्रहार भएको मानिएको छ । स्रोतका अनुसार तीनमध्ये दुई रकेट अमेरिकी दूतावास नजिकै खसेको थियो ।

याे पनि पढ्नुस  इराकस्थित अमेरिकी दूतावासमा रकेट आक्रमण

रकेट खसेपछि ग्रीन जोनमा साइरन बजेको सुनिएको थियो ।

पछिल्लो समय ग्रिन जोन क्षेत्रमा रकेट आक्रमणको घटना बढिरहेको छ र अमेरिकाले यसका लागि इरानसमर्थित अर्धसैन्य समूहलाई जिम्मेवार ठहराएको छ । तथापि आक्रमणहरुको कसैले जिम्मा लिएको देखिँदैन ।

अमेरिकाले जनवरी ३ मा एक शीर्ष इरानी सैन्य कमाण्डरको हत्या गरेपछि इराकमा तनाव बढेको छ ।

याे पनि पढ्नुस  भोलि डीभीको नतिजा सार्वजनिक हुँदै, कसरी हेर्ने ?

यता, इराकमा महिनौँदेखिको सरकारविरुद्ध प्रदर्शन पुनः सुरु भएको छ । सोमबार प्रदर्शनकारीमाथि प्रहरी कारबाही गर्दा पाँचको मृत्यु भयो ।

कमेन्ट गर्नुहोस्