छाउपडी प्रथा अन्त्यका लागि १० बुँदे घोषणापत्र जारी

अछामः छाउपडी प्रथा अन्त्यका लागि १३ बुँदे घोषणापत्र जारी भएको छ ।

महिला, बालबालिका तथा ज्येष्ठ नागरिक मन्त्री पार्वत गुरुङ लगायतको टोलीद्वारा अछाम जिल्लामा पुगेर १३ बुँदे घोषणा पत्र जारी गरेका हुन् ।

छाउपडी प्रथाले अन्तर्राष्ट्रिय जगतमा नेपालको शीर झुकाउने काम गरेको र मुलुकमै पनि सुदुरपश्चिम क्षेत्रलाई सामाजिक रुपमा फरक रुपमा हेर्ने अवस्था अन्त गर्न यो प्रथा अन्त्य हुनुपर्नेमा मन्त्री गुरुङले जोड दिए ।

सरकारले छाउगोठ भत्काउने अभियानका साथै यस प्रथा अन्त्यका लागि आवश्यक नीति, कार्यक्रम तथा बजेटको व्यावस्था गर्ने जानकारी उनले दिए ।

उनले संघ, प्रदेश तथा स्थानीय सरकार, राजनीतिक दलका नेता, शिक्षक, विद्यार्थी तथा सरोकारवाला पक्ष यो प्रथा अन्त्यका लागि आ–आफ्नो ठाउँबाट पहलकदमी लिन आग्रह गरे ।

१० बुँदे घोषणामा महिलाको आत्मसम्मानमा वृद्धिका लागि आवश्यक नीति तथा कार्यक्रम बनाउने, सुदुर क्षेत्रका प्रदेश तथा स्थानीय सरकार परिचालन गर्ने, छाउगोड भत्काउने लगायतका विषयवस्तु समावेश गरिएको छ ।

कमेन्ट गर्नुहोस्