सत्य निरूपणमा भट्ट र बेपत्ता छानविन आयोग अध्यक्षमा सुवेदी नियुक्त

काठमाडौंः सरकारले सत्य निरूपण तथा मेलमिलाप आयोग र बेपत्ता पारिएका व्यक्तिहरूको छानविन आयोगमा अध्यक्षसहित सदस्य नियुक्त गर्ने निर्णय गरेको छ ।

बिहीबार पत्रकार सम्मेलन गर्दै सञ्चारमन्त्री गोकुलप्रसाद बाँस्कोटाले सत्य निरूपण तथा मेलमिलाप आयोग अध्यक्षमा गणेशदत्त भट्ट (डडेल्धुरा)लाई नियुक्त गर्ने निर्णय गरेको जानकारी दिए । उक्त आयोगको सदस्यमा प्रचण्डराज प्रधान (काभ्रेपलान्चोक), डा.गोविन्द गौतम (दाङ), मन दाहाल (मोरङ) र विष्णु पोखरेल (बर्दिया, रहेका छन् ।

याे पनि पढ्नुस  छोराछोरीको शिक्षामा देखिएको विभेद हटाउनुपर्छः मन्त्री बाँस्कोटा

बाँस्कोटाका अनुसार बेपत्ता पारिएका व्यक्तिको छानविन आयोगको अध्यक्षमा युवराज सुवेदी (भोजपुर), सदस्यमा विश्वप्रकाश भण्डारी (चितवन), गंगाधर अधिकारी (बागलुङ), सुनिल रञ्जना सिंह (सर्लाही) र सरिता थापा (तनहुँ) लाई नियुक्त गर्ने निर्णय गरिएको छ ।

नाम सिफारिस गर्ने जिम्मेवारी पाएका पूर्वप्रधानन्यायाधीश ओमप्रकाश मिश्र संयोजकत्वको समितिले शनिबार दुबै आयोगमा पूर्णता दिन नाम सिफारिस गरेको थियो ।

कमेन्ट गर्नुहोस्