२९ राउन्ड गोली लिएर जहाज चढ्न लागेका युवक विमानस्थलबाट पक्राउ

पोखराः २९ राउण्ड गोलीसहित पोखरा विमानस्थलबाट एक जनालाई पक्राउ गरिएको छ ।
राइफलमा प्रयोग हुने गोली लिएर जहाज चढ्न लागेका पोखरा–१७ रिठेपानीका ४० वर्षीय जितु शाहीलाई प्रहरीले आइतबार पक्राउ गरेको हो ।

२२ बोरको राइफलमा प्रयोग हुने २९ राउण्ड गोलीसहित उनी यति एयरको बिहान १०ः१५ को उडानबाट काठमाडौं उड्न लागेका थिए।

जिल्ला प्रहरी कार्यालय कास्कीका प्रवक्ता डिएसपी राजकुमार केसीका अनुसार विमानस्थलमा चेकजाँचको क्रममा एक्सरे मेसिनले फलामजन्य वस्तु देखाएपछि झोला खोतल्दा गोली फेला परेको हो । (फाइल तस्बिर)

कमेन्ट गर्नुहोस्