धनगढीमा विकास सम्मेलनः प्रोजेक्ट बैंक र मेगा प्रोजेक्ट प्रस्तुत गरिने

धनगढीः धनगढी उपमहानगरपालिकाले विकास सम्मेलन आयोजन गर्ने भएको छ । धनगढीको सर्वागिण र योजनाबद्ध विकासको लागि उपमहानगरपालिकाले विकास सम्मेलन आयोजना गर्न लागेको हो ।

सम्मेलनबारे सोमबार पत्रकार सम्मेलन आयोजना गरी उप महानगरपालिकाले उक्त जानकारी गराएको हो । धनगढी विकास सम्मेलनमा उपमहानगरपालिकाले पहिचान गरेका सामाजिक, आर्थिक, भौतिक विकास र वातावरणको संरक्षणका आधारमा केही मुख्य प्रोजेक्ट बैकंहरू प्रस्तुत हुने नगर प्रमुख नृप बहादुर वडले जानकारी दिए ।

याे पनि पढ्नुस  धनगढी उपमहानगरपालिकाको कवाड टेन्डर विवादमा, रद्द हुनुपर्ने माग

यस्तै विकास सम्मेलनमा नगरबासीहरूले भोग्नु परेका दैनिक समस्याहरुलाई सम्बोधन गर्नका लागि धनगढी शहरलाई बस्न योग्य दिगो शहरको रुपमा रुपान्तरण गर्न एउटा मेगा प्रोजेक्ट प्रस्तुत गरिने छ ।

नगरको विकासका लागि नागरिकसंग विकासका परियोजनाका लागि खुल्ला आह्वान गरि उत्कृष्ट ३ जनालाई पुरस्कृत गरि पहिलो हुनेलाई आफ्नो परियोजना प्रस्तुत गर्न सम्मेलनमा अवसर दिइने जनाएको छ । नगरको विकासका लागि ज्ञान र स्रोत बढाउनलाई विकासको साझेदारहरुको दायरा फराकिलो बनाइने लगायतका विषयवस्तुहरू समावेश गरिने जस्ता बिषयवस्तु सम्मेलनमा प्रस्तुत हुने उप महानगरपालिकाले जनाइएको छ ।

याे पनि पढ्नुस  विद्यालय बन्द गर्ने निर्णयबाट पछि हट्यो धनगढी उपमहानगरपालिका

प्रस्तुत गरिने परियोजनाहरु सम्बन्धित क्षेत्रका बिशेषज्ञहरुलाई समन्वय गरी दु्रत प्रभाब छोटो अबधि र लामो अबधि गरि तिन भागमा पहिचान गरीने बताइएको छ ।

उक्त प्रस्तुतीहरू सम्बन्धित क्षेत्रका बिशेषज्ञ बाट प्रस्तुत गरी उपस्थित सम्पुर्ण सहभागिहरु माझ बृहत छलफल गरि परियोजनालाई अन्तिम रूप दिइने बताइएको छ । सम्मेलन फल्गुन १८ गते ओम प्यालेसमा हुने छ ।

कमेन्ट गर्नुहोस्