दाङमा चरेश र चितुवाको छालासहित पाँचजना पक्राउ

दाङः साढे २ किलो चरेससहित दाङ प्रहरीले तीन जनालाई पक्राउ गरेको छ। तुलसीपुर उपमहानगरपालिका १२ सितलपुरवाट २ किलो ५ सय ग्राम लागुऔषध चरेशसहित मुसिकोट नगरपालिका २ रातामाटाका २१ वर्षका अनिल पुनमगर, सोही नगरपालिका ६ का ४० वर्षिय बाहादुर बोहोरा र रुकुमकै आठबिसकोट नगरपालिका ९ का २८ वर्षीय भीमवहादुर सार्की पक्राउ परेका हुन्‌।

याे पनि पढ्नुस  दाङको ५५ झ्याले दरबार जीर्णावस्थामा

जिल्ला प्रहरी कार्यालय दाङबाट खटिएको टोलीले गोप्य सूचनाका आधारमा उनीहरुलाई लागुऔषधसहित पक्राउ गरेको हो। पक्राउ परेकाहरुमाथि प्रहरीले आवश्यक अनुसन्धान थालेको छ। यसैगरी, दाङमै चितुवाको छालासहित दुईजना पक्राउ परेका छन्‌।

दंगीशरण गाउँपालिका १ बस्ने २४ का चेतबहादुर पुन र सोही ठाउँकै सौगात घर्तीलाई चितुवाको छालासहित घोराहीबाट प्रहरीले पक्राउ गरेको हो। घोराही १४ स्थित बसर्पाकमा समातिएका पुन र घर्तीको साथबाट प्रहरीले चितुवाको टाउको, बङ्गारा र पुच्छरसमेत रहेको चितुवाको छाला बरामद गरेको छ।

याे पनि पढ्नुस  विप्लव समूहका दाङ पश्चिम क्षेत्र इन्चार्ज पाण्डे पक्राउ

ओखटोपहारसहित पक्राउ परेका यी दुईमाथि पनि प्रहरीले अनुसन्धान थालेको छ।

कमेन्ट गर्नुहोस्