अन्तर्राष्ट्रिय क्रिकेटमा शतक बनाउनै लाग्दा धेरै पटक आउट भएका ३ क्रिकेटर!

काठमाडौंः अन्तर्राष्ट्रिय म्याचका क्रममा शतक बनाउनै लाग्दा आउट हुँदा खेलाडीको मन कति दुख्छ होला? यो प्रश्नको जवाफ त्यो खेलाडीसँग छ होला जो पटक–पटक शतक बनाउँनै लाग्दा आउट भए ।

शतक बनाउनबाट चुक्नुको पिडा खेलाडीसँगै समर्थकलाई पनि उत्तिकै हुन्छ । शतक बनाउने कयौं क्रिकेटरको सपना हुन्छ । एक–दुई पाइला कमले मात्र सपना पूरा हुन नसक्नु अन्तिममा दुर्भाग्य ठानिन्छ । यसबीच आज अन्तर्राष्ट्रिय क्रिकेटमा ९० देखि १०० रनकोबीचमा सर्बाधिक आउट भएका क्रिकेटरबारे चर्चा गर्दैछौंः

३. राहूल द्रविडः भारतीय क्रिकेट टीमका पूर्वकप्तान राहूल द्रविडले १९९६ देखि २०१२ सम्म अन्तर्राष्ट्रिय क्रिकेट खेले । राहूलले भारतका लागि १६४ टेष्ट र २४४ वानडे म्याच खेलेका छन् । टेष्टमा उनले भारतका लागि १३ हजार २८८ र वानडेमा १० हजार ८९८ रन बनाएका छन् । यसक्रममा द्रविडले ४८ शतक बनाएका छन् ।

याे पनि पढ्नुस  स्मिथले तोडे सचिन र विराटको कीर्तिमान

उनले २००० को दशकमा भारतका लागि शानदार प्रदर्शन गरेका थिए । र, द्रविड यसक्रममा धेरैपटक शतक पनि बनाउन चुकेका थिए । उनी ६०५ अन्तर्राष्ट्रिय पारीमा १४ पटक ९० रन बनाएर आउट भएका थिए ।

२. एबी डिभिलियर्सः ‘मिस्टर ३६० डिग्री’को उपनामले चर्चित दक्षिण अफ्रिकाका पूर्व क्रिकेटर डिभिलियर्स चारै दिशामा रन बनाउन माहिर छन् । उनले सन् २००४ देखि २०१८ सम्म अन्तर्राष्ट्रिय म्याच खेलेका थिए ।

याे पनि पढ्नुस  सचिनले पनि तोड्न सकेनन् पाकिस्तानी क्रिकेटरको यो रेकर्ड

डिभिलियर्सले तीनै प्रारुपमा खेलेका ४८४ पारीमा ४८.११ को औसतमा २० हजार १४ रन बनाएका छन् । अन्तर्राष्ट्रिय करियरमा उनले आफ्नो देशका लागि कयौंपटक महत्वपूर्ण पारी खेलेका थिए । डिभिलियर्सले आफ्नो अन्तर्राष्ट्रिय क्रिकेट करियरमा ४७ शतक बनाएका छन् ।

शतक बनाउने मामिलामा माहिर उनी कयौंपटक भने चुकेका छन् । डिभिलियर्स ४८४ पारीमा ९० भन्दा बढी रनमा १४ पटक आउट भएका छन् ।

याे पनि पढ्नुस  बीबीएलः सन्दीपको टिमले पायो विशाल लक्ष्य, डिभिलियर्सद्वारा छक्काको वर्षा!

१. सचिन तेन्दुलकरः भारतीय क्रिकेट टीमका पूर्वकप्तान सचिनलाई यो सूचीको शीर्ष स्थानमा देख्दा केही क्रिकेटप्रेमीलाई आश्चर्य पनि लाग्न सक्छ ।

विश्व क्रिकेटमा सर्बाधिक शतक बनाउने क्रिकेटरको कीर्तिमान बनाएका सचिन कयौंपटक शतक बनाउन चुकेका पनि छन् । उनले अन्तर्राष्ट्रिय क्रिकेटमा ७८२ पारीमा ३४ हजार ५ सय ५७ रन बनाएका छन् ।

सचिन ९० रन बनाएर पनि २८ पटक शतक बनाउन चुकेका छन् ।

कमेन्ट गर्नुहोस्