काठमाडौंः २५ लाखमा बेच्न ठिक्क पारेको गैंडाको खाग सहित प्रहरीले दुई जनालाई नियन्त्रणमा लिएको छ । काठमाडौंमै दुर्लभ गैडाको खागको किनबेच भैरहेको सूचनाको आधारमा प्रहरीले दुई जनालाई नियन्त्रणमा लिएको हो ।
काठमाडौंको चाबहिल एरियामा लव खत्री समेतका ब्यक्तीले दुर्लभ बन्यजन्तु गैंडाको खाग समेतको अबैध रुपमा ओसारपसार गरी २५ लाखमा कारोबार गर्ने भन्ने गोप्य सूचनाको आधारमा प्रहरीले दुई जनालाइ पक्राउ गरेको हो ।
प्रहरीले चाबहिलमबाट काठमाडौंकै लव खत्री र बाजुराका दिनेश थापालाई पक्राउ गर्दा गैडाको एक थान खाग पक्राउ गरेको महानगरीय अपराध महाशाखाका प्रमुख एसएसपी सहकुलबहादुर थापाले जानकारी दिए ।
प्रहरीले पक्राउ परेका दुबैजना र खागलाई डिभिजन वन कार्यालय हात्तिसार पठाइएको छ ।
