टी–२० सिरिजः आज विराटलाई विश्राम, ऋषभले मौका पाउने सम्भावना

काठमाडौंः भारत र न्यूजिल्याण्डले टी–२० क्रिकेट सिरिजको अन्तिम तथा पाँचौ म्याच आज खेल्दै छन् । यी दुई टीमबीचको चौथो म्याच दिउँसो १२ः४५ बजेदेखि सुरु हुनेछ । भारतले पाँच म्याचको सिरिज ४–० ले जितिसकेको छ । तेस्रो र चौथो खेलमा न्यूजिल्याण्डलाई ‘सुपर ओभर’मा पराजित गर्दै भारतले सिरिज जितिसकेको हो ।

भारतले न्यूजिल्याण्डमाथि उसकै घरेलु मैदानमा टी–२० सिरिज जितेको यो पहिलापटक हो । उसले न्यूजिल्याण्डको मैदानमा १२ वर्षदेखि टी–२० सिरिज खेल्न थालेको थियो । र, सिरिज जित्न सकेको थिएन । तर योपटक भने भारतले २ खेल अगावै सिरिज आफ्नो नाममा बनाउँदै इतिहास रचेको छ । भारत अब अर्को इतिहास रच्ने दाउमा छ ।

याे पनि पढ्नुस  न्यूजिल्याण्डसँगको टेष्टमा ऋषभ पन्तले मौका पाउने सम्भावना

भारतलाई अब न्यूजिल्याण्डलाई उसकै घरेलु मैदानमा ५–० ले हराउँदै ‘क्लिन स्विप’ गर्ने मौका छ । यदि न्यूजिल्याण्डमाथि सिरिज ‘क्लिन स्विप’ गर्नसके भारतले अर्का इतिहास रच्ने छ ।

पाँचौ खेलमा विराटलाई विश्राम, ऋषभले मौका पाउने सम्भावना

सिरिजको लगातार ४ म्याचमा विश्राम पाएका भारतीय टीमका विकेटकीपर–ब्याट्सम्यान ऋषभ पन्तले अन्तिम म्याचको प्लेइङ ११ मा मौका पाउने सम्भावना बलियो छ । पन्तले अन्तिमपटक अष्ट्रेलियासँगको वानडे सिरिजको पहिलो खेलमा प्लेइङ ११ मा मौका पाएका थिए । उक्त खेलमा ब्याटिङका क्रममा प्याट कमिन्सको बल हेलमेटमा लाग्दा पन्त दोस्रो इनिङ्समा विकेटकीपिङका लागि आएका थिएनन् ।

याे पनि पढ्नुस  एकदिवसीय सिरिजः ऋषभ पन्तले तेस्रो खेल गुमाउने

सो खेलमा अष्ट्रेलियासँग भारत १० विकेटले पराजित भएको थियो । क्रिकइन्फोका अनुसार सिरिजको अन्तिम म्याचमा भारतीय टीमको कप्तानी रोहित शर्माले गर्ने छन् । उनले चौथो खेलमा विश्राम लिएका थिए । आजको खेलमा टीमका नियमित कप्तान विराट कोहलीले विश्राम लिनसक्ने क्रिकइन्फोले जनाएको छ ।

याे पनि पढ्नुस  भारतले जित्ला टि–२० मा लगातार चौथोपटक? यस्तो छ दुबै टिमको सम्भावित प्लेइङ ११

पाँचौ खेलमा भारतीय टीमको सम्भावित प्लेइङ ११ः रोहित शर्मा (कप्तान), सञ्जु स्यामसन, श्रेयस अय्यर, मनीष पाण्डे, ऋषभ पन्त, शिवम दुबे, वाशिङटन सुन्दर, शार्दुल ठाकुर, कुलदीप यादव, नवदीप सैनी र जसप्रीत बुमराह ।

न्यूजिल्याण्ड टीमको सम्भावित प्लेइङ ११ः मार्टिन गुप्टिल, कोलिन मुनरो, रस टेलर, डारेल मिचेल, टिम सेफर्ट, मिचेल सान्टनर, टम ब्रुस, स्कट कुगेलेइजन, टिम साउथी (कप्तान), ईश सोधी र हमीश बेनेट ।

कमेन्ट गर्नुहोस्