न्यूजिल्याण्डसँगको टी–२० सिरिज भारतद्वारा ‘क्लिन स्विप’

काठमाडौंः न्यूजिल्याण्ड विरुद्धको टी–२० क्रिकेट सिरिज भारतले ‘क्लिन स्विप’ गरेको छ । अन्तिम खेलमा न्यूजिल्याण्डलाई ७ रनले हराउँदै भारतले पाँच खेलको सिरिज ५–० ले ‘क्लिन स्विप’ गरेको हो ।

योसँगै भारतले इतिहास रचेको छ । भारतले पहिलोपटक न्यूजिल्याण्डमा टी–२० सिरिज ‘क्लिन स्विप’ गर्दै इतिहास रचेको हो ।

सिरिजको अन्तिम खेलमा भारतले दिएको १ सय ६४ रनको लक्ष्य पछ्याएको न्यूजिल्याण्डले निर्धारित २० ओभरमा ९ विकेट गुमाएर १ सय ५६  रन मात्र बनाउन सक्यो । उसका लागि रस टेल र टिम सेफर्टले अर्धशतक बनाए पनि टीमलाई जित दिलाउन सकेनन् । टेलरले आज ५३ र सेफर्टले ५० रनको योगदान दिए ।

याे पनि पढ्नुस  भारतलाई आज न्यूजिल्याडमाथि नयाँ इतिहास रच्ने मौका, पूरा होला सपना?

अन्य खेलाडीको ब्याटिङ भने आज सन्तोषजनक रहेन । बलिङमा भारतीय टीमका जसप्रीत बुमराहले ३, शार्दुल ठाकुर, नवदीप सैनीले २–२ र वासिङटन सुन्दरले एक विकेट लिए ।

यसअघि टस जितेर ब्याटिङ गरेको भारतले निर्धारित २० ओभरमा ३ विकेट गुमाएर १ सय ६३ रन नबायो । उसका लागि कप्तान रोहित शर्माले ६०, केएल राहूलले ४५, श्रेयस अय्यरले अविजित ३३ र मनिष पाण्डेले नटआउट ११ रन बनाए । बलिङमा न्यूजिल्याण्डका स्टक कग्लुजेनले २ र हमीश बेनटले एक विकेट लिए ।

याे पनि पढ्नुस  टी–२० सिरिजः भारतविरुद्ध टस जितेर बलिङ गर्दै वेस्ट इन्डिज

टी–२० मा दुवेले बनाए खराब रेकर्ड!

न्यूजिल्याण्डसँगको टी–२० क्रिकेट सिरिजको पाँचौ तथा अन्तिम खेलमा भारतीय टीमका अलराउन्डर शिवम दुबेले खराब कीर्तिमान बनाएका छन् । उनले एकै ओभरमा ३४ रन दिँदै आफ्नो नाममा खराब कीर्तिमान बनाएका हुन् । दुबे भारतीय क्रिकेटमा टी–२० मा सर्बाधिक रन दिने खेलाडी भएका छन् ।

याे पनि पढ्नुस  भारत र न्यूजिल्याण्डबीचको चौथो म्याच आज, दुवै टिमको सम्भावित प्लेइङ ११

आज १० औँ ओभरमा बलिङ गर्न आएका दुबेले पहिलो ओभरमै बिनाविकेट ३४ रन खर्चिएका छन् । उनले आफ्नो पहिलो ओभरमा ४ छक्का र २ चौकासहित ३४ रन खर्चिएका हुन् । टी–२० अन्तर्राष्ट्रिय क्रिकेटमा एकै ओभरमा सर्बाधिक रन दिने बलरको कीर्तिमान भने इंग्ल्याण्डका स्टअर्ट ब्रोडको नाममा छ । उनले टी–२० विश्वकपमा एकै ओभरमा ३६ रन दिएका थिए ।

कमेन्ट गर्नुहोस्