कुखुराको मासुको मूल्य बढाउने व्यापारीलाई कारबाही गर्दै सरकार

काठमाडौंः कुखुराको मासुको मूल्य वृद्धि गर्ने व्यवसायीलाई कारबाही गरिने भएको छ । अहिले कुखुराको मासुको मूल्य अस्वभाविकरुपमा बढाएर किलोको ४ सय २० रुपैयाँ पुगेको छ ।

व्यवसायीले कुखुराको मासुको मूल्य बढाउँदा पनि सरकार चुप रहेको भन्दै उपभोक्ताले आक्रोश व्यक्त गरिरहेका बेला वाणिज्य आपूर्ति तथा उपभोक्ता हित संरक्षण विभागले व्यवसायीलाई कारबाही थाल्ने तयारी गरेको हो ।

याे पनि पढ्नुस  कांग्रेसले १२ सयलाई कारबाही गर्दै

विभागका महानिर्देशक नेत्रप्रसाद सुवेदीका अनुसार मूल्य बढ्नुको कारणबारे पोल्ट्री, दाना, अण्डा र कुखुरापालक सङ्घलाई स्पष्टीकरण सोधेको र मङ्गलबारसम्म चित्तबुझ्दो जवाफ नआए बुधबारबाट कारबाही प्रक्रिया थालिने छ ।

डेढ महिना अघिसम्म २ सय ५० रुपैयाँ किलो रहेको कुखुराको मासुको भाउ व्यापारीले चार सय २० रुपैयाँ पुर्‍याएका छन् । विवाह, वनभोजलगायतका कारण मासुको माग बढी हुने महिनामै व्यवसायीले मासुको मूल्य बढाएका हुन् ।

याे पनि पढ्नुस  ‘कालोबजारी गर्नेलाई निर्दयितापूर्वक कारबाही गरिन्छ’

व्यापारीले लागत मूल्य नपाएको भन्दै गएको मङ्सिर २९ गतेदेखि १० दिनसम चल्ला र चल्ला उत्पादन गर्न ठिक्क पारेका अण्डा नष्ट गरेका थिए ।

कमेन्ट गर्नुहोस्